‘నవమి’కి పకడ్బందీ ఏర్పాట్లు
శ్రీరామ నవమి, మహా పట్టాభిషేకం మహోత్సవాలకు భద్రాచలం తరలివచ్చే భక్తుల కోసం పకడ్బందీ ఏర్పాట్లు చేస్తున్నట్లు రాష్ట్ర దేవాదాయ శాఖ కమిషనర్ శ్రీధర్ తెలిపారు.
- మిథిలా స్టేడియంలోఎల్ఈడీ స్క్రీన్లు ఏర్పాటు
- శ్రీరామనవమి సమీక్షలో దేవాదాయ శాఖ కమిషనర్ శ్రీధర్
భద్రాచలం, ఏప్రిల్ 2 : శ్రీరామ నవమి, మహా పట్టాభిషేకం మహోత్సవాలకు భద్రాచలం తరలివచ్చే భక్తుల కోసం పకడ్బందీ ఏర్పాట్లు చేస్తున్నట్లు రాష్ట్ర దేవాదాయ శాఖ కమిషనర్ శ్రీధర్ తెలిపారు. భద్రాచలం సబ్ కలెక్టర్ కార్యాలయ సమావేశ మందిరంలో శ్రీసీతారామచంద్రస్వామి కల్యాణ మహోత్సవ వేడుకల ఏర్పాట్లపై బుధవారం ఆయన శాఖలవారీగా సమీక్షించారు.
ఈ సందర్భంగా మాట్లాడుతూ ఈ నెల 6, 7వ తేదీల్లో స్వామివారి కల్యాణం, పట్టాభిషేకం కార్యక్రమాలకు వచ్చే భక్తుల కోసం మిథిలా స్టేడియంలో ప్రతీ సెక్టార్లో ఎల్ఈడీ స్క్రీన్లను ఏర్పాటు చేయాలని ఆదేశించారు. కల్యాణ వేడుకలు వీక్షించేందుకు 26 సెక్టార్లు ఏర్పాటు చేస్తున్నట్లు పేర్కొన్నారు. భక్తులు స్వామివారి కల్యాణ వేడుకలు వీక్షించి జన్మజన్మల పుణ్యఫలం పొందేలా అధికారులు కృషి చేయాలన్నారు.
కలెక్టర్ జితేశ్ వి పాటిల్ మాట్లాడుతూ లడ్డూ ప్రసాదంతోపాటు మహా ప్రసాదం అందించడానికి ప్రణాళికలు రూపొందిస్తున్నామన్నారు. సీఎం రాక కోసం మూడు హెలిపాడ్లను సిద్ధం చేస్తున్నామని, ఆర్డబ్ల్యూఎస్, వైద్యారోగ్య శాఖ ద్వారా అన్ని రకాల సౌకర్యాలు కల్పిస్తున్నామని తెలిపారు. విద్యుత్ సరఫరాకు అంతరాయం లేకుండా జాగ్రత్తలు తీసుకుంటున్నామని, భక్తులు గోదావరిలోకి వెళ్లకుండా బారికేడ్లు ఏర్పాటు చేశామని, లైఫ్ జాకెట్లు, 20 మంది గజ ఈతగాళ్లు, రిస్క్ బోట్లు సిద్ధంగా ఉంచామన్నారు.
భద్రాచలం, పర్ణశాలల్లో హెలిపాడ్లు, ఏరియా వైద్యశాలలో 24 గంటలు పనిచేసే అంబులెన్సుతోపాటు ఓఆర్ఎస్ ప్యాకెట్లు, మందులు అందుబాటులో ఉంచనున్నట్లు తెలిపారు. విధుల పట్ల నిర్లక్ష్యం వహించే అధికారులపై కఠిన చర్యలు తీసుకుంటామని హెచ్చరించారు. కార్యక్రమంలో అదనపు కలెక్టర్ వేణుగోపాల్, ఐటీడీఏ పీవో బి.రాహుల్, ఏఎస్పీ విక్రాంత్కుమార్ సింగ్, ఆర్డీవో దామోదరరావు, దేవస్థానం ఈవో రమాదేవి తదితరులు పాల్గొన్నారు.
Read Today's Latest Khammam News in Telugu and Telugu News
RELATED ARTICLES
తాజా వార్తలు
Anupama Parameswaran | మహేష్ బాబు సినిమాలో విలన్గా నటించడానికైనా రెడీ.. అనుపమ పరమేశ్వరన్ కామెంట్స్ వైరల్!
Washington hair | అమెరికా తొలి అధ్యక్షుడి జట్టు వేలం.. మూడు వెంట్రుకల ధర 3.7 లక్షలు..!
Mysaa | రష్మిక మందన్న ‘మైసా’ రిలీజ్ వాయిదా.. నవంబర్ 27న రావడం లేదని మేకర్స్ ప్రకటన!
Vijay and Sangeetha | అనిరుధ్, కావ్య గ్రాండ్ రిసెప్షన్.. వేర్వేరుగా వచ్చి జంటను ఆశీర్వదించిన సీఎం విజయ్, సంగీత!
SRK | 9 ఏళ్ల వయసులో కసబ్పై సాక్ష్యం చెప్పే ధైర్యం ఎలా వచ్చింది?.. 26/11 బాధితురాలిని ప్రశ్నించిన షారుఖ్ ఖాన్!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

