Visit:
కారేపల్లి, న‌వంబ‌ర్ 29 : లైసెన్స్‌ లేకుండా వ్యాపారం చేస్తున్న వ్యాపారి నుండి మార్కెట్ ఫీజుతో పాటు జరిమానా వసూలు చేసినట్లు ఇల్లెందు మార్కెట్ కమిటీ కార్యదర్శి నరేశ్‌కుమార్‌ తెలిపారు. ఖమ్మంకు చెందిన కె.వెంకటరమణ అనే వ్యాపారి లైసెన్స్‌ లేకుండా గ్రామాల్లో ధాన్యం కొనుగోలు చేస్తుండగా పట్టుకున్న మార్కెటింగ్‌ అధికారులు వ్యాపారికి రూ.2,800 మార్కెట్ ఫీజు, రూ.10 వేల జరిమానా విధించినట్లు వెల్ల‌డించారు. వ్యాపారులు తప్పనిసరిగా లైసైన్స్‌ తీసుకోవాలని, లైసెన్స్‌ లేకుండా వ్యాపారం చేస్తే చట్టరీత్యా చర్యలు త‌ప్ప‌వ‌ని హెచ్చరించారు. రైతులు లైసైన్స్‌ లేని వ్యాపారులకు పంటను అమ్మి మోసపోవద్దన్నారు. ఈ కార్యక్రమంలో మార్కెట్ సిబ్బంది సీహెచ్‌.లక్ష్మయ్య, జి.రంజిత్‌, వై.మధు, ఐ.సందీప్‌, ఈ.రమేశ్‌ పాల్గొన్నారు.
