‘నిమజ్జన సమయంలో భక్తులు అప్రమత్తంగా ఉండాలి’

గణేష్‌ నిమజ్జన వేడుకలను ప్రశాంతంగా, ఎలాంటి అవాంఛనీయ ఘటనలు చోటుచేసుకోకుండా నిర్వహించేందుకు కారేప‌ల్లిలో అధికారులు ముందస్తు చర్యలు చేపట్టారు. ఇందులో భాగంగా బుధవారం నిమజ్జనం నిర్వహించే చెరువు ప్రాంతాలను తాసీల్దార్ ఓరుగంటి వెంకటేశ్వర్లు, ఎంపీఓ మల్లెల రవీంద్ర ప్రసాద్..

– కారేప‌ల్లి తాసీల్దార్‌ ఓరుగంటి వెంకటేశ్వర్లు, ఎంపీఓ మల్లెల రవీంద్ర ప్రసాద్

కారేపల్లి, సెప్టెంబర్ 23 : గణేష్‌ నిమజ్జన వేడుకలను ప్రశాంతంగా, ఎలాంటి అవాంఛనీయ ఘటనలు చోటుచేసుకోకుండా నిర్వహించేందుకు కారేప‌ల్లిలో అధికారులు ముందస్తు చర్యలు చేపట్టారు. ఇందులో భాగంగా బుధవారం నిమజ్జనం నిర్వహించే చెరువు ప్రాంతాలను తాసీల్దార్ ఓరుగంటి వెంకటేశ్వర్లు, ఎంపీఓ మల్లెల రవీంద్ర ప్రసాద్ స్థానిక అధికారులతో కలిసి పరిశీలించారు. నిమజ్జనానికి వచ్చే భక్తులకు ఎలాంటి ఇబ్బందులు తలెత్తకుండా చేపట్టాల్సిన ఏర్పాట్లపై సంబంధిత పంచాయితీ శాఖ సిబ్బందికి సూచనలు చేశారు. చెరువుల వద్ద భద్రతా ఏర్పాట్లు, విద్యుత్‌ సౌకర్యం, లైటింగ్‌, బారికేడ్లు, వాహనాల రాకపోకలు, పారిశుధ్య నిర్వహణ తదితర అంశాలను పరిశీలించారు. నిమజ్జన సమయంలో భక్తులు అప్రమత్తంగా ఉండాలని, అధికారుల సూచనలు పాటించాలని కోరారు. నిమజ్జన కార్యక్రమం సజావుగా జరిగేలా అన్ని శాఖల అధికారులు సమన్వయంతో పని చేయాలని సూచించారు.