స్ట్రోక్ లక్షణాలపై విద్యార్థులకు అవగాహన

విద్యార్థులు ఆరోగ్యంతో ఉండి చదువుల్లో రాణించాలని డీఎంహెచ్‌వో తుకారం రాథోడ్ అన్నారు. గురువారం ప్రపంచ స్ట్రోక్ దినోత్సవం సందర్భంగా బూర్గంప‌హాడ్‌ మండలం మోరంపల్లిబంజర్ ప్రభుత్వ ఉన్నత పాఠశాలలో హెచ్ఎం లక్ష్మణరావు, విద్యార్థులతో ఏర్పాటు చేసిన సమావేశంలో...

బూర్గంపహాడ్, అక్టోబర్ 29 : విద్యార్థులు ఆరోగ్యంతో ఉండి చదువుల్లో రాణించాలని డీఎంహెచ్‌వో తుకారం రాథోడ్ అన్నారు. గురువారం ప్రపంచ స్ట్రోక్ దినోత్సవం సందర్భంగా బూర్గంప‌హాడ్‌ మండలం మోరంపల్లిబంజర్ ప్రభుత్వ ఉన్నత పాఠశాలలో హెచ్ఎం లక్ష్మణరావు, విద్యార్థులతో ఏర్పాటు చేసిన సమావేశంలో ఆయన పాల్గొని మాట్లాడారు. బ్రెయిన్ స్ట్రోక్ వచ్చే లక్షణాలు, హార్ట్ స్ట్రోక్ వచ్చే లక్షణాలపై విద్యార్థులకు అవగాహన కల్పించారు. ఆరోగ్యమే మహాభాగ్యమని, సంపద కంటే ఆరోగ్యమే ప్రధానమని, ప్రతి ఒక్కరూ ఆరోగ్య సూత్రాలు పాటించాలన్నారు. మత్తు పానియాల వ‌ల్ల త‌లెత్తే స‌మ‌స్య‌ల‌పై విద్యార్థులకు అవగాహన కల్పించారు. అనంతరం విద్యార్థులు, ఉపాధ్యాయులచే ప్రతిజ్ఞ చేయించారు. ఈ కార్యక్రమంలో వైద్యశాఖాధికారి సోమ్లానాయక్, సీహెచ్‌వో విజయలక్ష్మి, ఏఎన్ఎం పద్మ పాల్గొన్నారు.