కొత్తగూడెం ఏరియాలో గాలివాన బీభత్సం.. విద్యుత్ సరఫరాకు అంతరాయం

సింగరేణి కొత్తగూడెం ఏరియా పరిధిలో బుధవారం సాయంత్రం ఈదురు గాలులతో కూడిన వర్షం బీభత్సం సృష్టించింది. రుద్రంపూర్, గౌతంపూర్ పంచాయతీ పరిధిలో పలుచోట్ల చెట్లు నేలకూలడంతో విద్యుత్ సరఫరాకు..

రుద్రంపూర్, జూన్ 17 : సింగరేణి కొత్తగూడెం ఏరియా పరిధిలో బుధవారం సాయంత్రం ఈదురు గాలులతో కూడిన వర్షం బీభత్సం సృష్టించింది. రుద్రంపూర్, గౌతంపూర్ పంచాయతీ పరిధిలో పలుచోట్ల చెట్లు నేలకూలడంతో విద్యుత్ సరఫరాకు అంతరాయం ఏర్పడింది. ఈ ఘటనలో ఎలాంటి ప్రాణనష్టం జరగకపోవడం ఊరటనిచ్చింది. విద్యుత్ సరఫరాను పునరుద్ధరించేందుకు సింగరేణి ఎలక్ట్రికల్ సిబ్బంది యుద్ధ ప్రాతిపదికన మరమ్మతు పనులు చేపట్టారు. రుద్రంపూర్ పంచాయతీ పరిధిలోని ఎర్రగడ్డలో చెట్టు ఓ ఇంటిపై పడటంతో రేకులు దెబ్బతిన్నాయి. ఉదయం నుంచి తీవ్ర ఉక్కపోతతో ఇబ్బంది పడ్డ ప్రజలకు సాయంత్రం కురిసిన వర్షం కొంత ఉపశమనం కలిగించినప్పటికీ, ఈదురు గాలుల కారణంగా సాధారణ జనజీవనం కొంతసేపు అస్తవ్యస్తమైంది.