సీఐటీయూ కొత్తగూడెం ఏరియా ప్రధాన కార్యదర్శి పదవికి పిచ్చేటి శివ రాజీనామా
సీఐటీయూ కార్మిక సంఘం కొత్తగూడెం ఏరియా ప్రధాన కార్యదర్శి బాధ్యతల నుండి తక్షణమే వైదొలుగుతున్నట్లు పిచ్చేటి శివకుమార్ అలియాస్ హైట్ శివ ప్రకటించారు. ఇకపై తాను, తనను నమ్ముకున్న కార్మిక సహచరులు ఎలాంటి కార్మిక సంఘ కార్యకలాపాల్లోనూ పాల్గొనబోమని...
రుద్రంపూర్, నవంబర్ 18 : సీఐటీయూ కార్మిక సంఘం కొత్తగూడెం ఏరియా ప్రధాన కార్యదర్శి బాధ్యతల నుండి తక్షణమే వైదొలుగుతున్నట్లు పిచ్చేటి శివకుమార్ అలియాస్ హైట్ శివ ప్రకటించారు. ఇకపై తాను, తనను నమ్ముకున్న కార్మిక సహచరులు ఎలాంటి కార్మిక సంఘ కార్యకలాపాల్లోనూ పాల్గొనబోమని, ఏ కార్మిక సంఘంతోనూ సంబంధాలు కొనసాగించబోమని స్పష్టం చేశారు. ఈ సందర్భంగా బుధవారం ఆయన విడుదల చేసిన ప్రకటనలో తన కార్మిక ఉద్యమ ప్రస్థానాన్ని వివరించారు. 2016 నుండి 2020 వరకు జీకే ఓసీలో డ్రైవర్స్ అండ్ వర్కర్స్ యూనియన్ సొసైటీలో పనిచేస్తూ కార్మికుల వేతనాలు, పనిగంటలు, హక్కుల సాధన కోసం అనేక పోరాటాలు నిర్వహించినట్లు తెలిపారు.
2026 ఏప్రిల్లో రుద్రంపూర్లోని సీపీఎం కార్యాలయంలో సుమారు 50 మంది సింగరేణి డీఎల్ఆర్ కార్మికులతో కలిసి సీఐటీయూలో చేరినట్లు, అనంతరం తన కృషితో మరో 70 మందికి చేరువగా కార్మికులను సంఘంలోకి తీసుకువచ్చినట్లు పేర్కొన్నారు. తన అంకితభావాన్ని గుర్తించిన సీఐటీయూ నాయకత్వం కొత్తగూడెం ఏరియా డీఎల్ఆర్ కాంట్రాక్ట్ కార్మికుల ప్రధాన కార్యదర్శిగా బాధ్యతలు అప్పగించిందన్నారు. తొమ్మిది నెలల కాలంలో కార్మికుల సమస్యలపై గేట్ మీటింగ్లు నిర్వహించడంతో పాటు అఖిలపక్ష కార్మిక సంఘాల జైల్ భరో కార్యక్రమంలో పాల్గొన్నట్లు తెలిపారు. హైదరాబాద్ ఇందిరా పార్క్ వద్ద సీఐటీయూ నిర్వహించిన రాష్ట్రస్థాయి కార్యక్రమానికి కొత్తగూడెం నుంచి సుమారు 16 మంది కార్మికులను తీసుకెళ్లి విజయవంతం చేసినట్లు వెల్లడించారు. ఇటీవల జరిగిన టీజీ ఆర్టీసీ కార్మిక సంఘాల ఎన్నికల్లో కొత్తగూడెం డిపో పరిధిలో విస్తృత ప్రచారం నిర్వహించినట్లు వివరించారు.
ఇటీవల వీకేసీమ్ శోద కన్స్ట్రక్షన్స్ కార్మికుల సమ్మె నేపథ్యంలో తనపై కొందరు కార్మిక సంఘాల నాయకులు ఒత్తిడి తీసుకువస్తున్నారని, జిరాక్స్ పేపర్లు తీసుకెళ్తున్నాడని, వాల్వో డ్రైవర్లను యూనియన్లో చేర్పిస్తున్నాడని, వాహనాలు తిప్పించే ప్రయత్నం చేస్తున్నాడని తనపై ఆరోపణలు చేస్తూ దుష్ప్రచారం చేస్తున్నారని హైట్ శివ ఆరోపించారు. వీకేసీమ్ శోద కన్స్ట్రక్షన్స్ ప్రైవేట్ లిమిటెడ్లో తాను ఎలాంటి విధులు నిర్వహించడం లేదని, ఆ సంస్థలో తనకు ఎలాంటి ఎంప్లాయీ నంబర్ కూడా లేదని స్పష్టం చేశారు. తనపై జరుగుతున్న పరిణామాలు, ఆరోపణల నేపథ్యంలో కార్మికుల మధ్య అనవసర వివాదాలు తలెత్తకూడదనే ఉద్దేశంతో ఈ నిర్ణయం తీసుకున్నట్లు తెలిపారు
Read Today's Latest Khammam Khammam News in Telugu and Telugu News
RELATED ARTICLES
తాజా వార్తలు
సీఐటీయూ కొత్తగూడెం ఏరియా ప్రధాన కార్యదర్శి పదవికి పిచ్చేటి శివ రాజీనామా
Shaina NC | బాల్ థాకరే ఫొటోను చింపేసిన శివసేన నాయకురాలు షైనా ఎన్సీ.. రాజకీయంగా తీవ్ర దుమారం..!
Wall Collapse | కుప్పకూలిన ప్రభుత్వ పాఠశాల కాంపౌండ్ వాల్.. వీడియో
Panchayat Season 5 | ఫులేరా గ్రామానికి మళ్లీ స్వాగతం.. కొత్త సీజన్తో రాబోతున్న ‘పంచాయత్’
PP Bribe | పెద్దపల్లిలో లంచం తీసుకుంటూ ఏసీబీకి చిక్కిన పబ్లిక్ ప్రాసిక్యూటర్
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

