Shaina NC | బాల్ థాకరే ఫొటోను చింపేసిన శివసేన నాయకురాలు షైనా ఎన్సీ.. రాజకీయంగా తీవ్ర దుమారం..!
Shaina NC | కాంగ్రెస్ పార్టీ (Congress Party) అగ్ర నాయకురాలు సోనియాగాంధీ (Sonia Gandhi) ఆత్మకథ 'బిలాంగింగ్ : ఎ జర్నీ ఆఫ్ లవ్ (Belonging : A Journey of Love)' పుస్తకానికి వ్యతిరేకంగా ఏక్నాథ్ షిండే (Eknath Shinde) వర్గం శివసేన నాయకులు బుధవారం ఉదయం మహారాష్ట్ర (Maharastra) రాజధాని ముంబై (Mumbai) లో నిరసన ప్రదర్శన చేపట్టారు.
Shaina NC : కాంగ్రెస్ పార్టీ (Congress Party) అగ్ర నాయకురాలు సోనియాగాంధీ (Sonia Gandhi) ఆత్మకథ ‘బిలాంగింగ్ : ఎ జర్నీ ఆఫ్ లవ్ (Belonging : A Journey of Love)’ పుస్తకానికి వ్యతిరేకంగా ఏక్నాథ్ షిండే (Eknath Shinde) వర్గం శివసేన నాయకులు బుధవారం ఉదయం మహారాష్ట్ర (Maharastra) రాజధాని ముంబై (Mumbai) లో నిరసన ప్రదర్శన చేపట్టారు. ఆ పుస్తకంలో వీర్ సావర్కర్ (Veer Savarker) ను కించపర్చే వ్యాఖ్యలు ఉన్నాయంటూ వారు మండిపడ్డారు. ఈ నిరసన ప్రదర్శనలో భాగంగా వీర్ సావర్కర్ను కించపర్చేలా ఉన్న పేజీలను వారు చింపేశారు.
అయితే ఈ క్రమంలో ఆ పార్టీ నాయకురాలు షైనా ఎన్సీ పొరపాటున శివసేన వ్యవస్థాపకుడైన బాల్ థాకరే ఫొటోను చింపేశారు. ఈ ఘటన మహారాష్ట్రలో రాజకీయంగా తీవ్ర దుమారం రేపుతున్నది. సేన వ్యవస్థాపకుడిని అవమానించారంటూ ఉద్ధవ్ థాకరే నేతృత్వంలోని శివసేన ఆగ్రహం వ్యక్తంచేసింది. షైనా చింపిన బాల్ థాకరే ఫొటోలో ఆయన కాంగ్రెస్ సీనియర్ నేత మణిశంకర్ అయ్యర్ దిష్టిబొమ్మను చెప్పులతో కొడుతూ ఉన్నారు. అయితే షైనా బాల్ థాకరే ఫొటోను చింపడాన్ని గమనించిన సహచర నేత సంజయ్ నిరుపమ్ ఆమెకు సంజ్ఞ చేశారు.
దాంతో పొరపాటును గ్రహించిన షైనా.. తాను చింపిన ఫోటోను కాగితాల కింద హడావిడిగా దాచిపెడుతూ కనిపించారు. ఆ చింపిన ఫోటోలో ఉన్నది అయ్యర్ అని, బాల్ థాకరే కాదని ఏక్నాథ్ షిండే సేన నాయకులు ఆ తర్వాత బుకాయించారు. తాను చింపింది మణిశంకర్ అయ్యర్ ఫోటోనని, బాల్ థాకరే ఫోటో కాదని షైనా కూడా అన్నారు. బాల్ థాకరే పార్టీకి బద్ధశత్రువుగా ఉన్న కాంగ్రెస్తో పొత్తు పెట్టుకున్నందుకు ఉద్ధవ్ థాకరే నేతృత్వంలోని సేనను లక్ష్యంగా చేసుకోవడానికి ఏక్నాథ్ వర్గం నేతలు అయ్యర్ దిష్టిబొమ్మను కొడుతున్న థాకరే ఫోటోను తెచ్చుకున్నారు.
ఈ ఘటన బీఎంసీలో కలకలం రేపుతోంది. యూబీటీ సేన కార్పొరేటర్లు షైనా ఎన్సీకి వ్యతిరేకంగా నినాదాలు చేస్తూ ఆమెను పార్టీ నుంచి బహిష్కరించాలని డిమాండ్ చేశారు. బాలాసాహెబ్ను అవమానించడాన్ని ఎవరూ సహించరని, సేన వ్యవస్థాపకుడిపై షిండే వర్గం ప్రదర్శిస్తున్న ప్రేమ ‘నకిలీది’ అని యూబీటీ సేనకు చెందిన మాజీ ముంబై మేయర్ కిషోరి పెడ్నేకర్ మండిపడ్డారు. బీఎంసీ ప్రధాన కార్యాలయంలోని మేయర్ రితు తావ్డే కార్యాలయం బయట యూబీటీ సేన కార్పొరేటర్లు కూడా నిరసన చేపట్టారు.
Read Today's Latest National News in Telugu and Telugu News
RELATED ARTICLES
తాజా వార్తలు
Shaina NC | బాల్ థాకరే ఫొటోను చింపేసిన శివసేన నాయకురాలు షైనా ఎన్సీ.. రాజకీయంగా తీవ్ర దుమారం..!
Wall Collapse | కుప్పకూలిన ప్రభుత్వ పాఠశాల కాంపౌండ్ వాల్.. వీడియో
Panchayat Season 5 | ఫులేరా గ్రామానికి మళ్లీ స్వాగతం.. కొత్త సీజన్తో రాబోతున్న ‘పంచాయత్’
PP Bribe | పెద్దపల్లిలో లంచం తీసుకుంటూ ఏసీబీకి చిక్కిన పబ్లిక్ ప్రాసిక్యూటర్
Car Stolen With Sleeping Girl | బాలిక నిద్రిస్తున్న కారును చోరీ చేసిన వ్యక్తి.. తర్వాత ఏం జరిగిందంటే?
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

