‘చిన్ననాటి నుండే శ్రమ, క్రమశిక్షణ అలవర్చుకోవాలి’
విద్యార్థులు చిన్ననాటి నుండే శ్రమ, క్రమశిక్షణ అలవర్చుకుని, కష్టపడి చదివి ఉన్నత స్థాయికి చేరుకోవాలని, తద్వారా తల్లిదండ్రుల కలలను నెరవేర్చడంతో పాటు దేశ సేవకు సిద్ధం కావాలని కొత్తగూడెం టూ టౌన్ పోలీస్ స్టేషన్ సబ్ ఇన్స్పెక్టర్ రాజశేఖర్ అన్నారు. విద్యార్థుల్లో స్వీయ రక్షణ, నైతిక విలువల....
– విద్యార్థులకు టూ టౌన్ ఎస్ఐ రాజశేఖర్ సూచన
రుద్రంపూర్, నవంబర్ 21 : విద్యార్థులు చిన్ననాటి నుండే శ్రమ, క్రమశిక్షణ అలవర్చుకుని, కష్టపడి చదివి ఉన్నత స్థాయికి చేరుకోవాలని, తద్వారా తల్లిదండ్రుల కలలను నెరవేర్చడంతో పాటు దేశ సేవకు సిద్ధం కావాలని కొత్తగూడెం టూ టౌన్ పోలీస్ స్టేషన్ సబ్ ఇన్స్పెక్టర్ రాజశేఖర్ అన్నారు. విద్యార్థుల్లో స్వీయ రక్షణ, నైతిక విలువల పెంపుదలపై అవగాహన కల్పించడంలో భాగంగా శనివారం కొత్తగూడెం కార్పొరేషన్ పరిధిలోని 12వ వార్డు సుభాష్ చంద్రబోస్ నగర్లో గల స్వర్ణ భారతి మోడ్రన్ ఇఖ్రా పాఠశాలలో అవగాహన కార్యక్రమం నిర్వహించారు. ఈ కార్యక్రమానికి ఆయన ముఖ్య అతిథిగా హాజరై మాట్లాడారు. నేటి కష్టమే రేపటి సుఖాలకు వారధి అని, విద్యార్థులు ప్రతిరోజూ పాఠాలను అదే రోజు చదువుకోవాలని సూచించారు. చదువులో సందేహాలు ఎదురైతే భయపడకుండా ఉపాధ్యాయులను అడిగి నివృత్తి చేసుకోవాలన్నారు. మొబైల్ ఫోన్లలో గేమ్స్ ఆడుతూ విలువైన సమయాన్ని వృథా చేసుకోవద్దని, సెల్ఫోన్లను అవసరానికి మాత్రమే వినియోగించుకోవాలని, వాటికి బానిసలు కావద్దని హితవు పలికారు.
ముఖ్యంగా బాలికలు తమ వ్యక్తిగత ఫొటోలను పరిచయం లేని వ్యక్తులకు పంపరాదని హెచ్చరించారు. బహుమతుల పేరుతో వచ్చే నకిలీ సందేశాలను నమ్మవద్దని, ఎవరైనా ఓటీపీ అడిగితే ఎట్టి పరిస్థితుల్లోనూ చెప్పవద్దని సైబర్ నేరాలపై అవగాహన కల్పించారు. చదువును నిర్లక్ష్యం చేయకుండా కష్టపడి చదివితే భవిష్యత్తులో ఉన్నత స్థాయికి చేరుకొని మంచి జీవితాన్ని గడపవచ్చన్నారు. తమ పరిసరాల్లో ఎక్కడైనా అసాంఘిక కార్యకలాపాలు జరుగుతున్నట్లు గుర్తిస్తే వెంటనే పోలీసులకు సమాచారం అందించాలని కోరారు. విద్యార్థులు సైబర్ నేరాలు, చట్టాలపై అవగాహన పెంపొందించుకోవడంతో పాటు తల్లిదండ్రులకు, చుట్టుపక్కల వారికి కూడా అవగాహన కల్పించి నేరరహిత సమాజ నిర్మాణంలో భాగస్వాములు కావాలని పిలుపునిచ్చారు. సమాజంలో శాంతి, సామరస్యాల పరిరక్షణకు ప్రతి ఒక్కరూ కృషి చేయాలన్నారు. ఈ కార్యక్రమంలో కానిస్టేబుళ్లు శ్రీనివాస్, రాములు, పాఠశాల కరస్పాండెంట్ అబ్దుల్ బాసిత్, ప్రధాన అధ్యాపకురాలు పర్వీన్ సుల్తానా, లక్ష్మీ ప్రసన్న, సల్మా జాఫర్, నాజియా సుల్తానా, రుబీనా ఖాజా పాల్గొన్నారు.
Read Today's Latest Khammam Khammam News in Telugu and Telugu News
RELATED ARTICLES
తాజా వార్తలు
‘చిన్ననాటి నుండే శ్రమ, క్రమశిక్షణ అలవర్చుకోవాలి’
Idupu Kayitham | ‘గోగులు గోగులు గోపాలకృష్ణుడు సేలి’.. ఆకట్టుకుంటున్న ‘ఇడుపుకాయితం’ పెళ్లి సాంగ్
AP News | నన్ను పెళ్లికి పిలిస్తే సొంత చెల్లిపైనే అడ్డమైన రాతలా..? వైఎస్ జగన్పై చంద్రబాబు ఫైర్
‘ఏఐటీయూసీ 43వ జాతీయ మహాసభలను జయప్రదం చేయండి’
వైద్య సేవల్లో నిర్లక్ష్యం వహిస్తే కఠిన చర్యలు : డీఎంహెచ్ఓ డాక్టర్ కోటిరత్నం
ట్రెండింగ్ వార్తలు
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video

