డ్రైనేజీ నిర్మాణ ప‌నుల‌కు ఎమ్మెల్యే పాయం వెంకటేశ్వర్లు భూమి పూజ‌

బూర్గంపహాడ్ మండలంలో పినపాక ఎమ్మెల్యే పాయం వెంకటేశ్వర్లు శుక్రవారం పర్యటించారు. తొలుత మండల పరిధిలోని తాళ్లగొమ్మూరులో తేజావత్ సోను నూతనంగా నిర్మించుకున్న ఇందిరమ్మ ఇంటిని ఆయన ప్రారంభించారు. అనంతరం సారపాకలో రూ.1.40కోట్లతో నిర్మించతలపెట్టిన...

బూర్గంపహాడ్, అక్టోబర్ 09 : బూర్గంపహాడ్ మండలంలో పినపాక ఎమ్మెల్యే పాయం వెంకటేశ్వర్లు శుక్రవారం పర్యటించారు. తొలుత మండల పరిధిలోని తాళ్లగొమ్మూరులో తేజావత్ సోను నూతనంగా నిర్మించుకున్న ఇందిరమ్మ ఇంటిని ఆయన ప్రారంభించారు. అనంతరం సారపాకలో రూ.1.40కోట్లతో నిర్మించతలపెట్టిన సైడ్ డ్రైన్ పనులకు భూమిపూజ చేశారు. మండల కేంద్రంలో వ్యవసాయ మార్కెట్ యార్డులో 70 మందికి కల్యాణలక్ష్మి, షాధీముబారక్ లబ్దిదారులకు చెక్కులు పంపిణీ చేశారు. ఈ కార్యక్రమంలో ఎంపీడీవో జమలారెడ్డి, డీటీ సమ్మయ్య, హౌసింగ్ ఏఈ ఉదయ్ కిరణ్, పీఆర్ ఏఈ చక్రధరాచారి, ఆర్‌డబ్ల్యూఎస్ ఏఈ వసంత, ఎంపీవో రామకృష్ణ, ఏవో శంకర్, ఆయా పంచాయతీల సర్పంచులు, కార్యదర్శులు, ఐటీసీ అడ్మిన్ మేనేజర్ చెంగల్‌రావు, కాంగ్రెస్ మండల నాయకులు, ప్రజా ప్రతినిధులు పాల్గొన్నారు.