నిరుపేద కుటుంబాలకు ‘మేవా’ ఆర్ధిక సాయం

బూర్గంపహాడ్ మండల పరిధిలోని సారపాకకు చెందిన ముస్లిం ఎంపవర్‌మెంట్ వెల్ఫేర్ అసోసియేషన్ (మేవా) ఆధ్వర్యంలో సోమవారం తాళ్లగొమ్మూరు, పాల్వంచ కరకవాగుకు చెందిన నిరుపేద కుటుంబాల బాధితులకు రూ.5 వేల చొప్పున రూ.10 వేలు మేవా అధ్యక్షుడు...

బూర్గంపహాడ్, నవంబర్ 02 : బూర్గంపహాడ్ మండల పరిధిలోని సారపాకకు చెందిన ముస్లిం ఎంపవర్‌మెంట్ వెల్ఫేర్ అసోసియేషన్ (మేవా) ఆధ్వర్యంలో సోమవారం తాళ్లగొమ్మూరు, పాల్వంచ కరకవాగుకు చెందిన నిరుపేద కుటుంబాల బాధితులకు రూ.5 వేల చొప్పున రూ.10 వేలు మేవా అధ్యక్షుడు మహమ్మద్ ముస్తఫా సభ్యులతో కలిసి ఆర్ధిక సాయం అందజేశారు. తాళ్లగొమ్మూరుకు చెందిన ఎస్ కె.జబ్బార్ అనారోగ్యంతో బాధపడుతుండగా వైద్య ఖర్చుల కోసం, పాల్వంచ మండలం కరకవాగుకు చెందిన మోబిన్ ఇల్లు విద్యుద్ఘాతంతో ధ్వంసం కావడంతో ఈ ఆర్ధిక సహాయం అందించినట్లు నిర్వాహకులు తెలిపారు. ఈ కార్యక్రమంలో మేవా ప్రధాన కార్యదర్శి జహీర్‌పాషా, కార్యవర్గ సభ్యులు మహమ్మద్ గని, సోహెల్‌పాషా, అజీజ్, సలీం, తాజుద్దీన్, హఫీజ్, ఇమ్రాన్, రఫీక్, నాగర్వల్లి బాబా పాల్గొన్నారు.