‘మురుసు తుఫాన్ బాధిత రైతులను తక్షణమే ఆదుకోవాలి’

బూర్గంపహాడ్ మండలంలో మురుసు తుఫాన్ ప్రభావంతో ఇటీవల కురిసిన భారీ వర్షాల కారణంగా పంటలు నష్టపోయిన బాధిత రైతులను ప్రభుత్వం తక్షణమే ఆదుకోవాలని బీఆర్ఎస్ మండల కమిటీ ఆధ్వర్యంలో నాయకులు డిప్యూటీ తాసీల్దార్ ధనియాల వెంకటేశ్వర్లుకు...

– బూర్గంప‌హాడ్‌ డిప్యూటీ తాసీల్దార్‌కు బీఆర్ఎస్ నేతల వినతి

బూర్గంపహాడ్, నవంబర్ 07 : బూర్గంపహాడ్ మండలంలో మురుసు తుఫాన్ ప్రభావంతో ఇటీవల కురిసిన భారీ వర్షాల కారణంగా పంటలు నష్టపోయిన బాధిత రైతులను ప్రభుత్వం తక్షణమే ఆదుకోవాలని బీఆర్ఎస్ మండల కమిటీ ఆధ్వర్యంలో నాయకులు డిప్యూటీ తాసీల్దార్ ధనియాల వెంకటేశ్వర్లుకు శనివారం వినతిపత్రం అందజేశారు. ఈ సందర్భంగా మాజీ జడ్పీటీసీ కామిరెడ్డి శ్రీలత, సొసైటీ మండల అధ్యక్షుడు బిక్కసాని శ్రీనివాసరావు మాట్లాడుతూ… తుఫాన్ కారణంగా వరి, పత్తి, మిర్చి తదితర పంటలు నీటమునిగి రైతులు తీవ్రంగా నష్ట పోయారన్నారు. అధికారులు దెబ్బతిన్న పంట పొలాలను పరిశీలించి నష్టాన్ని అంచనా వేసి తగిన పరిహారం అందించాలని డిమాండ్ చేశారు.

ఈ కార్యక్రమంలో నాయకులు మేడం లక్ష్మినారాయణరెడ్డి, రెడ్డిపాలెం ఉప సర్పంచ్ అప్పిరెడ్డి శ్రీనివాసరెడ్డి, బిజ్జం వెంకట్రామిరెడ్డి, సిరిపురం ప్రసాద్, మాజీ వార్డు సభ్యులు కామిరెడ్డి పద్మ, సోము లక్ష్మిచైతన్యరెడ్డి, కురుకుంట్ల చిన్నపరెడ్డి, మూల బాలిరెడ్డి, చేతుల పెద్దవీర్రాజు, బత్తుల రామకొండారెడ్డి, బానోత్ రామదాసు, బాదం అచ్చిరెడ్డి, సాదిక్‌పాషా, సౌకత్అలీ, గంగుల చంద్రశేఖర్‌రెడ్డి, ధనుగురి నాగేశ్వరరావు, శనగ అప్పారావు, అనుబంధ సంఘాల నాయకులు, మాజీ ప్రజా ప్రతినిధులు పాల్గొన్నారు.