Ramavaram : చంచుపల్లిలో అటవీ చట్టాలపై గ్రామస్తులకు అవగాహన
భద్రాద్రి కొత్తగూడెం జిల్లా చుంచుపల్లి మండలం, పెనగడప పంచాయతీ పరిధిలోని జగ్గారం, గడ్డి గుట్ట, పాలవాగు గ్రామాల చుట్టుపక్కల ఉన్నటువంటి అటవీ భూమికి ట్రెంచ్ కొట్టే పనులు నిర్వహిస్తున్న సమయంలో ఈ మూడు గ్రామాల ప్రజలు ఫారెస్ట్ బీట్ ఆఫీసర్లపై కర్రలు, రాళ్లతో దాడికి పాల్పడిన విషయంపై తెలిసిందే.
రామవరం, జూన్ 04 : భద్రాద్రి కొత్తగూడెం జిల్లా చుంచుపల్లి మండలం, పెనగడప పంచాయతీ పరిధిలోని జగ్గారం, గడ్డి గుట్ట, పాలవాగు గ్రామాల చుట్టుపక్కల ఉన్నటువంటి అటవీ భూమికి ట్రెంచ్ కొట్టే పనులు నిర్వహిస్తున్న సమయంలో ఈ మూడు గ్రామాల ప్రజలు ఫారెస్ట్ బీట్ ఆఫీసర్లపై కర్రలు, రాళ్లతో దాడికి పాల్పడిన విషయంపై తెలిసిందే. ఈ నేపథ్యంలో బుధవారం జగ్గారం గ్రామంలో ఫారెస్ట్, రెవెన్యూ, పోలీస్ అధికారులు గ్రామస్తులకు అటవీ చట్టాలపై అవగాహన కార్యక్రమం నిర్వహించారు.
ఈ సందర్భంగా ఎఫ్డీఓ కోటేశ్వరరావు మాట్లాడుతూ.. మూడు గ్రామాల వాసులు ఇప్పటికే సుమారుగా 1,200 ఎకరాల వరకు అటవీ భూమిని సాగు చేస్తూ జీవనాన్ని కొనసాగిస్తున్నట్లు తెలిపారు. అంతేకాకుండా ఈ గ్రామాల చుట్టుపక్కల ఉన్నటువంటి అటవీ భూములను కూడా చెట్లు నరికి సాగు చేసేందుకు ప్రయత్నాలు చేస్తున్నారని అటవీశాఖ అధికారులు గమనించి ఫారెస్ట్ భూమి చుట్టూ ట్రెంచ్ తీసే కార్యక్రమాన్ని చేస్తుండగా తమ సిబ్బందిపై దాడి చేశారని ఇది మంచి పద్ధతి కాదన్నారు. అధికారులపై దాడి చేయడం చట్టరీత్యా నేరమన్నారు. మరొకసారి అధికారులపై దాడికి పాల్పడితే ఫారెస్ట్ చట్టం ప్రకారం వారిని అడవి నుండి పంపించేందుకు పూర్తి అధికారం ఉందని తెలిపారు.
చుంచుపల్లి మండల తాసీల్దార్ పి.కృష్ణ మాట్లాడుతూ.. అటవీ సంపదను ఎవరైనా కొల్లగొట్టినా, ఫారెస్ట్ పరిధిలో ఉన్న భూమికి ట్రెంచ్ కొట్టే సమయంలో అధికారులపై దాడులకు పాల్పడినా వారిని బైండోవర్ చేయాలన్నారు. కొత్తగూడెం టూటౌన్ సీఐ ప్రతాప్ మాట్లాడుతూ.. విధి నిర్వహణలో ఉన్న అధికారులపై దాడులు చేయవద్దని, మీకు ఏదైనా సమస్య ఉంటే ప్రజా ప్రతినిధులు, జిల్లా కలెక్టర్, తాసీల్దార్, ఫారెస్ట్ అధికారుల దృష్టికి తీసుకువెళ్లాలని సూచించారు. మరొకసారి దాడులకు పాల్పడితే చట్టరీత్యా చర్యలు తప్పవన్నారు. మరోమారు అధికారులపై దాడులకు పాల్పడితే జైలు జీవితం అనుభవించాల్సి వస్తుందని హెచ్చరించారు. ఈ కార్యక్రమంలో రామవరం ఫారెస్ట్ రేంజర్ శ్రీనివాస్, సెక్షన్ అధికారులు, టూ టౌన్ ఎస్ఐ, పోలీసు సిబ్బంది, ఫారెస్ట్ సిబ్బంది, గ్రామస్తులు పాల్గొన్నారు.
Read Today's Latest Khammam Khammam News in Telugu and Telugu News
RELATED ARTICLES
తాజా వార్తలు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
B Pharmacy Syllabus | ఇక ఫార్మసీ విద్యార్థులకూ పైథాన్ కోడింగ్.. ఇంజినీరింగ్ తరహాలో ఏఐ, మెషిన్ లెర్నింగ్ సిలబస్ కూడా!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

