వైరా, మే 7: కలెక్టర్, సుడా వైస్ చైర్మన్ ఆదేశాల మేరకు వైరాలోని రైతువేదికలో వైరా మున్సిపల్ చైర్మన్ సూతకాని జైపాల్ అధ్యక్షతన శనివారం సమావేశం నిర్వహించారు. ఈ సమావేశంలో వైరా మున్సిపాలిటీ పరిధిలో మాస్టర్ప్లాన్లో సూచించిన ఇండస్ట్రియల్ జోన్, రిజర్వాయర్ చుట్టూ బఫర్జోన్, కమర్షియల్ జోన్, రెసిడెన్స్ జోన్, రహదారులు, చెరువులు తదితర అంశాలన్నింటినీ మ్యాప్ ద్వారా సుడా అధికారులు వివరించారు.
ఈ మాస్టర్ ప్లాన్ రాబోవు 20 సంవత్సరాల పాటు దృష్టిలో ఉంచుకొని తయారు చేస్తున్నామని, అభ్యంతరాలు, సూచనలు ఉంటే మూడు రోజుల్లో రాతపూర్వకంగా సుడా అధికారులకు తెలపాలని సూచించారు. కౌన్సిల్ సభ్యులు పలు అంశాలపై సూచనలు చేశారు. భవిష్యత్ అవసరాల దృష్ట్యా మున్సిపాలిటీలో అంతర్గత రహదారులను 30 అడుగులకు పెంచాలని కోరారు. సమావేశంలో వైరా మున్సిపల్ వైస్చైర్మన్ సీతారాములు, సుడా డైరెక్టర్ కృష్ణ, తహసీల్దార్ అరుణ, ఆర్అండ్బీ డీఈ దేవిక చౌహాన్, వ్యవసాయశాఖ ఏవో పవన్కుమార్, విద్యాశాఖ అధికారి వెంకటేశ్వర్లు, ఆర్అండ్బీ జేఈ భగవాన్, సుడా సీపీవో వివేక్, టౌన్ ప్లానింగ్ అధికారులు శ్రీనివాస్, భాస్కర్, కౌన్సిల్సభ్యులు, కోఆప్షన్ సభ్యులు పాల్గొన్నారు.