Gaddam Vamsi Krishna | మహిళల ఆరోగ్యానికి ప్రాధాన్యత.. పెద్దపల్లి ఎంపీ గడ్డం వంశీకృష్ణ

మహిళలు ఆరోగ్యంగా ఉన్నప్పుడే ఆరోగ్యవంతమైన సమాజం ఏర్పడుతుందని స్వస్థ్ నారీ, స శక్త్ పరివార్‌ అభియాన్‌ కార్యక్రమానికి కేంద్ర ప్రభుత్వం శ్రీకారం చుట్టుందని పెద్దపల్లి ఎంపీ గడ్డం వంశీకృష్ణ పేర్కొన్నారు. జిల్లా ఆస్పత్రిలో బుధవారం జిల్లా కలెక్టర్‌ కోయ శ్రీహర్షతో కలిసి ఎంపీ స్వస్థ్ నారీ, స శక్త్ పరివార్‌ అభియాన్‌ కార్యక్రమాన్ని ప్రారంభించారు.

Gaddam Vamsi Krishna |  పెద్దపల్లి, సెప్టెంబర్‌17: మహిళలు ఆరోగ్యంగా ఉన్నప్పుడే ఆరోగ్యవంతమైన సమాజం ఏర్పడుతుందని స్వస్థ్ నారీ, స శక్త్ పరివార్‌ అభియాన్‌ కార్యక్రమానికి కేంద్ర ప్రభుత్వం శ్రీకారం చుట్టుందని పెద్దపల్లి ఎంపీ గడ్డం వంశీకృష్ణ పేర్కొన్నారు. జిల్లా ఆస్పత్రిలో బుధవారం జిల్లా కలెక్టర్‌ కోయ శ్రీహర్షతో కలిసి ఎంపీ స్వస్థ్ నారీ, స శక్త్ పరివార్‌ అభియాన్‌ కార్యక్రమాన్ని ప్రారంభించారు. ఈ సందర్భంగా ఎంపీ మాట్లాడుతూ జిల్లాలో ఈనెల 17 నుంచి వచ్చే నెల 2 వరకు మహిళల ఆరోగ్యంపై ప్రత్యేక క్యాంపుల నిర్వహించి సుమారు 3 లక్షల మంది మహిళలకు వైద్య పరీక్షలు చేస్తారని చెప్పారు. జిల్లాలోని మహిళలందరూ ఈ అవకాశాన్ని సద్వినియోగం చేసుకోవాలని కోరారు.

అలాగే జిల్లా ఆస్పత్రికి అంబులెన్స్​‍ కావాలని డీసీహెచ్‌ఎస్ శ్రీధర్‌ అడిగారని, అంబులెన్స్​‍ కొనుగోలుకు ఎంపీ నిధులు కేటాయిస్తానని తెలిపారు. ఆస్పత్రి అభివృద్ధి కోసం కృషి చేస్తానని, ఎమైన సమస్యలుంటే తన దృష్టికి తీసుకరావలని సూచించారు. అనంతరం నూతనంగా నిర్మితమవుతున్న జిల్లా ఆస్పత్రి భవనాన్ని కలెక్టర్‌తో కలిసి ఆయన పరిశీలించారు. మరో 4 మాసాల్లో ఆస్పత్రి భవన నిర్మాణం పూరై, ప్రజలకు వైద్యసేవలందించేందుకు విధంగా చూడాలని సంబంధిత అధికారులు, కాంట్రాక్టర్‌కు సూచించారు. కార్యక్రమంలో డీఎంహెచ్‌వో డాక్టర్‌ వాణి శ్రీ, డీసీహెచ్‌ఎస్ డాక్టర్‌ శ్రీధర్‌, సంబంధిత అధికారులు తదితరులు పాల్గొన్నారు.