Visit:
ధర్మారం, ఆగస్టు 29: రాబోయే స్థానిక సంస్థల ఎన్నికల్లో సత్తాచాటాలని, అభ్యర్థుల విజయం కోసం నాయకులంతా సమష్టిగా కృషి చేయాలని బీఆర్‌ఎస్‌ రాష్ట్ర నేత, మాజీ మంత్రి కొప్పుల ఈశ్వర్‌ పిలుపునిచ్చారు. శుక్రవారం కరీంనగర్‌లోని తన క్యాంపు కార్యాలయంలో ధర్మారం మండల పార్టీ ముఖ్య నాయకులతో ప్రత్యేక సమావేశమై, గ్రామాల వారీగా పలు అంశాలపై చర్చించారు. పార్టీ పరిస్థితి, రాబోయే ఎన్నికలను దీటుగా ఎదురొనే విషయాలపై మాట్లాడి దిశానిర్దేశం చేశారు.
ఈ సందర్భంగా ఈశ్వర్‌ మాట్లాడుతూ, వచ్చే స్థానిక ఎన్నికల్లో కలిసి కట్టుగా పనిచేస్తే బీఆర్‌ఎస్‌ అభ్యర్థులు ఘన విజయం సాధిస్తారనే నమ్మకాన్ని ఆయన వ్యక్తం చేశారు. పార్టీ పరంగా ఏవైనా సమస్యలు ఉంటే తన దృష్టికి తీసుకువస్తే పరిషరిస్తానని హామీ ఇచ్చారు. ప్రజల అభ్యున్నతి, స్థానిక సమస్యల పరిషారం కోసం ఐక్యత అవసరమని పేరొన్నారు. ప్రజలలో ఇప్పటికీ బీఆర్‌ఎస్‌పై ప్రగాఢమైన నమ్మకం ఉందని, జనంతో ఇప్పటినుంచి మమేకమైతే పార్టీకి విజయం వరిస్తుందని ఆశాభావం వ్యక్తం చేశారు.
అందుకు పార్టీ నాయకులంతా ఎలాంటి తారతమ్య భేదాలు లేకుండా కలిసికట్టుగా నడవాలని సూచించారు. బీఆర్‌ఎస్‌ పాలనలో చేసిన అభివృద్ధి, సంక్షేమం గురించి ప్రజలకు గడపగడపకూ వివరించాలన్నారు. స్థానిక సంస్థల ఎన్నికల కోసం గ్రామ గ్రామాన నాయకులు సంసిద్ధులు కావాలని పిలుపునిచ్చారు. అలాగే గ్రామపంచాయతీలలో ఓటర్ల తుది జాబితాను ప్రకటించనున్న నేపథ్యంలో పార్టీ నాయకులు ప్రత్యేక శ్రద్ధ వహించి పొరపాటున తొలగించిన ఓట్లను గుర్తించి అధికారుల దృష్టికి తీసుకెళ్లాలని సూచించారు.
