ఇదిగో కట్కాపూర్‌ అభివృద్ధి

రాష్ట్ర ప్రభుత్వం అందిస్తున్న నిధులను సద్వినియోగం చేసుకుంటూ గ్రామాలు ప్రగతి పథంలో దూసుకుపోతున్నాయి. రాయికల్‌ మండలంలోని మారుమూల గ్రామమైన కట్కాపూర్‌ అభివృద్ధిలో ఆదర్శంగా నిలుస్తున్నది. తొమ్మిదేళ్ల కాలంలో రూ.12 కోట్ల నిధులతో అనేక పనులు జరిగాయి.

• గ్రామంలో వంతెన నిర్మాణానికి శిలాఫలకం ఆవిష్కరిస్తున్న ఎమ్మెల్యే సంజయ్‌కుమార్‌
• తొమ్మిదేళ్లలో రూ.12 కోట్లతో పనులు
• అర్హులందరికీ సంక్షేమ ఫలాలు
• వాడవాడలా సీసీ రోడ్లు, డ్రైనేజీలు
• 100 శాతం ఇంకుడు గుంతలు

రాష్ట్ర ప్రభుత్వం అందిస్తున్న నిధులను సద్వినియోగం చేసుకుంటూ గ్రామాలు ప్రగతి పథంలో దూసుకుపోతున్నాయి. రాయికల్‌ మండలంలోని మారుమూల గ్రామమైన కట్కాపూర్‌ అభివృద్ధిలో ఆదర్శంగా నిలుస్తున్నది. తొమ్మిదేళ్ల కాలంలో రూ.12 కోట్ల నిధులతో అనేక పనులు జరిగాయి. వాడవాడలా సీసీ రోడ్లు, డ్రైనేజీల, వైకుంఠధామం, కల్యాణ మండపం, 100 శాతం ఇంకుడు గుంతలు, పల్లె దవాఖాన, పంచాయతీకి నూతన భవనం, కంపోస్ట్‌ షెడ్‌, తారు రోడ్డు నిర్మించడంతో పాటు నిత్యం చెత్తసేకరణ, విద్యుత్‌ స్తంభాలకు ఎల్‌ఈడీ బల్బుల ఏర్పాటు, ఇంటింటికీ మిషన్‌ భగీరథ నీరు, క్రీడా ప్రాంగణం, పల్లె ప్రకృతి వనాలు, వీధులకు ఇరువైపులా నాటిన మొక్కలతో గ్రామం అభివృద్ధికి కేరాఫ్‌గా నిలుస్తున్నది.
– రాయికల్‌, మార్చి 9

ఇంటింటికీ సంక్షేమం

• 1454 మంది ఉన్న గ్రామంలో ప్రతి ఇంటికీ రాష్ట్ర ప్రభుత్వ సంక్షేమ ఫలాలు అందుతున్నాయి.
• కల్యాణ లక్ష్మి, షాదీ ముబారక్‌ ద్వారా 82 మందికి రూ.69 లక్షల లబ్ధి.
• రైతుబంధు ద్వారా 440 మంది ఖాతాల్లో రూ.5.36 కోట్ల జమ.
• రైతు బీమా ద్వారా 8 మంది రైతు కుటుంబాలకు రూ.40 లక్షల సాయం.
• 361 మందికి ప్రతి నెలా రూ.7.60 లక్షల ఆసరా పింఛన్ల అందజేత.
• కేసీఆర్‌ కిట్‌ ద్వారా 70 మందికి రూ.8.78 లక్షల చెల్లింపు.
• రూ.81.25 లక్షలతో 65 మంది గొల్ల కురుమలకు గొర్రెల పంపిణీ.

తొమ్మిదేళ్లలో జరిగిన పనులు

• రూ.20 లక్షలతో పంచాయతీకి భవన నిర్మాణం
• రూ.58.82 లక్షలతో సీసీ, బీటీ రోడ్ల నిర్మాణం
• రూ.5.12 లక్షలతో డ్రైనేజీల నిర్మాణం
• రూ.1.1 కోట్లతో కొనసాగుతున్న డబుల్‌ బెడ్‌ రూమ్‌ ఇండ్ల నిర్మాణ పనులు.
• రూ.3.71 లక్షలతో పాఠశాల మరమ్మతు
• రూ. 10 లక్షలతో ట్రాక్టర్‌ టాలీ, ట్యాంకర్‌ కొనుగోలు.
• రూ.2.75 లక్షలతో ఎస్సీ కమ్యూనిటీ ప్రహరీ నిర్మాణం.
• రూ.7.75 లక్షల తో ఎల్‌ఈడీ లైట్ల ఏర్పాటు.
• రూ.35 లక్షలతో 210 గృహాలకు మిషన్‌ భగీరథ ద్వారా ఇంటింటికీ తాగునీరు.
• రూ.2.29 లక్షలతో కంపోస్ట్‌ షెడ్‌
• రూ.9.45 లక్షలతో వైకుంఠధామం.
• రూ. 1.1 లక్షలతో ఇద్దరు లబ్ధిదారులకు బర్రెల షెడ్ల నిర్మాణం
• రూ. 39.64 లక్షలతో హరితహారం ద్వారా మొక్కల పెంపకం.
• రూ.2.40 లక్షలతో పల్లె ప్రకృతి వనం ఏర్పాటు.
• 75 మంది స్వశక్తి సంఘ మహిళలకు రూ.35 లక్షల శ్రీనిధి రుణాలు.
• రూ.2.92 లక్షలతో 148 కరెంట్‌ స్తంభాలు, ట్రాన్స్‌ఫార్మర్‌ ఏర్పాటు
• రూ.16 లక్షలతో వివిధ కుల సంఘాల భవనాల నిర్మాణం.
• రూ.7.20 లక్షలతో కల్యాణ మండపం.
• రూ.20.73 లక్షలతో మిషన్‌ కాకతీయ పనులు.
• రూ.10 లక్షలతో సీసీ రో
• రూ.32 లక్షలతో ఇటీవలే వంతెన నిర్మాణ పనులు ప్రారంభం.

ఎమ్మెల్యే సహకారంతోనే అభివృద్ధి

ఎమ్మెల్యే డాక్టర్‌ సంజయ్‌ కుమార్‌ సహకారంతోనే గ్రామంలో అభివృద్ధి పనులు చేపడుతున్నాం. ప్రభుత్వం ప్రతి నెలా పల్లెప్రగతి నిధులు మంజూరు చేస్తుండటంతో గ్రామంలో కావాల్సిన అభివృద్ధి పనులు చేపడుతున్నాం. ప్రతి వాడలో సీసీ రోడ్లు, డ్రైనేజీలను నిర్మించాం. ప్రతి ఇంటికీ ఇంకుడు గుంతను తవ్వించాం. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా చూస్తున్నాం. గ్రామంలో మెయిన్‌ రోడ్డుకు ఆనుకొని డ్రైనేజీ నిర్మాణం విషయమై ఎమ్మెల్యేకు విన్నవించగా, వెంటనే స్పందించి పరిష్కరిస్తానని హామీ ఇచ్చారు.
– ముద్దసాని రాజమౌళి, సర్పంచ్‌, కట్కాపూర్‌