Godavarikhani | పీటీ స్వామి మృతి సమాజానికి తీరని లోటు.. ఇప్టా జాతీయ సమితి సభ్యుడు కే స్వామి, ప్రజానాట్యమండలి రాష్ట్ర ఉపాధ్యక్షుడు కన్నం లక్ష్మినారాయణ

పూర్వ ఉపాధ్యాయుడు, టీబీజీకేఎస్, ఈశ్వరకృప వృద్ధాశ్రమ వ్యవస్థాపక అధ్యక్షుడు, బీఆర్ఎస్ సీనియర్ నాయకుడు, పీఈటీ స్వామి మృతి విద్యా, సాహిత్య, సాంస్కృతిక రంగాలతో పాటు సమాజానికి తీరని లోటని ఇప్టా జాతీయ సమితి సభ్యుడు కవ్వంపల్లి స్వామి, ప్రజానాట్యమండలి రాష్ట్ర ఉపాధ్యక్షుడు కన్నం లక్ష్మినారాయణ అన్నారు.

Godavarikhani | కోల్ సిటీ, అక్టోబర్ 27 : పూర్వ ఉపాధ్యాయుడు, టీబీజీకేఎస్, ఈశ్వరకృప వృద్ధాశ్రమ వ్యవస్థాపక అధ్యక్షుడు, బీఆర్ఎస్ సీనియర్ నాయకుడు, పీటీ స్వామి మృతి విద్యా, సాహిత్య, సాంస్కృతిక రంగాలతో పాటు సమాజానికి తీరని లోటని ఇప్టా జాతీయ సమితి సభ్యుడు కవ్వంపల్లి స్వామి, ప్రజానాట్యమండలి రాష్ట్ర ఉపాధ్యక్షుడు కన్నం లక్ష్మినారాయణ అన్నారు. దుర్గానగర్‌లోని ఆయన కుమారుడు పీఎస్ అమరేందర్ నివాసంలో పీటీ స్వామి చిత్రపటానికి మంగళవారం పూలమాలలు వేసి నివాళులర్పించారు. ఈ సందర్భంగా ఆయనతో ఉన్న అనుబంధాన్ని గుర్తుచేసుకుంటూ భావోద్వేగానికి గురయ్యారు.

పీటీ స్వామి తమకు విద్యాబుద్ధులు నేర్పడమే కాకుండా సాహిత్య, నాటక రంగాల వైపు నడిపించి, జీవితాలకు మార్గదర్శిగా నిలిచారని పేర్కొన్నారు. 60వ దశకంలోనే ఆయన రచించిన ‘పురోగమనమా! ఇది తిరోగమనమా!’ కవితా సంకలనం ద్వారా సామాజిక అవగాహన కల్పించారని గుర్తుచేసుకున్నారు. అన్ని రంగాల వారితో గౌరవాభిమానాలు పొందిన అజాతశత్రువుగా ఆయన సేవలను కొనియాడారు. భౌతికంగా దూరమైనా ఆయన అందించిన స్ఫూర్తి, చేసిన సేవలు చిరస్థాయిగా నిలిచిపోతాయని పేర్కొంటూ కుటుంబ సభ్యులకు ప్రగాఢ సానుభూతి తెలిపారు. కార్యక్రమంలో పీటీ స్వామి కుటుంబ సభ్యులు, ఈశ్వరకృప వృద్ధాశ్రమ డైరెక్టర్ సత్తయ్య, సీనియర్ పాత్రికేయులు మేజిక్ రాజా, లఘుచిత్ర దర్శకుడు చంద్రపాల్ తదితరులు పాల్గొని నివాళులర్పించారు. వారి కుటుంబ సభ్యులకు తమ ప్రగాఢ సానుభూతి తెలిపారు.