స్వచ్ఛ సర్వేక్షణ్‌లో

స్వచ్ఛ సర్వేక్షణ్‌ పోటీల్లో ఉమ్మడి కరీంనగర్‌ జిల్లాలోని బల్దియాలు మరోసారి మెరిశాయి. ముఖ్యంగా కరీంనగర్‌ మరోసారి సత్తా చాటింది. దేశంలో 446 నగరాలతో పోటీ పడి 6,241 మార్కులతో 81వ ర్యాంకు సాధించింది.

• కరీంనగర్‌కు రాష్ట్రంలో రెండో స్థానం
• జాతీయ స్థాయిలో 81వ ర్యాంకు
• సిరిసిల్లకు రాష్ట్రస్థాయిలో ఏడో స్థానం

కరీంనగర్‌ కార్పొరేషన్‌, జనవరి 11 : స్వచ్ఛ సర్వేక్షణ్‌ పోటీల్లో ఉమ్మడి కరీంనగర్‌ జిల్లాలోని బల్దియాలు మరోసారి మెరిశాయి. ముఖ్యంగా కరీంనగర్‌ మరోసారి సత్తా చాటింది. దేశంలో 446 నగరాలతో పోటీ పడి 6,241 మార్కులతో 81వ ర్యాంకు సాధించింది. రాష్ట్ర స్థాయిలో గ్రేటర్‌ హైదరాబాద్‌ మొదటి స్థానంలో ఉండగా, కరీంనగర్‌ రెండో స్థానంలో నిలిచింది. గతేడాది రాష్ట్ర స్థాయిలో మూడో స్థానంలో నిలువగా ఈసారి మరింత మెరుగుపర్చుకున్నది. ఇంటింటా చెత్త సేకరణ, హోం వర్మీ కంపోస్టు, పబ్లిక్‌ టాయిలెట్స్‌ క్లీనింగ్‌, మార్కెట్‌ క్లీనింగ్‌, తదితర అంశాల్లో కేంద్ర పట్టణాభివృద్ధి శాఖ మున్సిపాలిటీలకు మార్కులు కేటాయించింది.

వీటిల్లో చెత్తను వేరు చేయడం, గృహవినియోగ ప్రాంతాలు, మార్కెట్స్‌ క్లీనింగ్‌, రిజర్వాయర్ల వద్ద పారిశుధ్యం, పబ్లిక్‌ టాయిలెట్స్‌ పరిశుభ్రంగా ఉంచడంలో కరీంనగర్‌కు వంద శాతం మార్కులు రాగా.. డంప్‌ యార్డు చెత్తను తగ్గించడంలో కేవలం 5 శాతం మార్కులు మాత్రమే వచ్చాయి. అలాగే, ఇంటింటా చెత్త సేకరణ విషయంలో 45 శాతం, చెత్త ర్లీైస్లెకింగ్‌ విషయంలో 75 శాతం మార్కులు సాధించింది. రామగుండం నగరపాలక సంస్థకు జాతీయ స్థాయిలో 175వ ర్యాంకు, రాష్ట్ర స్థాయిలో 10వ ర్యాంకు వచ్చింది.

25 వేల నుంచి 50 వేల లోపు జనాభా మున్సిపాలిటీల్లో

• జమ్మికుంట జాతీయ స్థాయిలో 1216వ ర్యాంకు, రాష్ట్ర స్థాయిలో 92వ ర్యాంకు, సౌత్‌ జోన్‌ స్థాయిలో 48వ ర్యాంకు సాధించింది.
• హుజూరాబాద్‌కు జాతీయ స్థాయిలో 639వ ర్యాంకు, రాష్ట్ర స్థాయిలో 27వ ర్యాంకు, జోనల్‌ స్థాయిలో 15వ ర్యాంకు వచ్చింది.
• పెద్దపల్లి జాతీయ స్థాయిలో 1173వ ర్యాంకు, రాష్ట్ర స్థాయిలో 89వ ర్యాంకు, సౌత్‌ జోన్‌ స్థాయిలో 44వ ర్యాంకు సాధించింది.
• వేములవాడకు జాతీయ స్థాయిలో 1055వ ర్యాంకు, రాష్ట్ర స్థాయిలో 74వ ర్యాంకు, సౌత్‌ జోన్‌ స్థాయిలో 35వ ర్యాంకు వచ్చింది.

50 వేల నుంచి లక్ష లోపు జనాభా మున్సిపాలిటీల్లో

• సిరిసిల్ల జాతీయ స్థాయిలో 231వ ర్యాంకు, రాష్ట్ర స్థాయిలో 7వ ర్యాంకు, సౌత్‌ జోన్‌ స్థాయిలో 4వ ర్యాంకు సాధించింది.
• జగిత్యాలకు జాతీయ స్థాయిలో 860వ ర్యాంకు, రాష్ట్ర స్థాయిలో 49వ ర్యాంకు, సౌత్‌ జోన్‌ స్థాయిలో 28వ ర్యాంకు వచ్చింది.
• కోరుట్ల జాతీయ స్థాయిలో 300వ ర్యాంకు, రాష్ట్ర స్థాయిలో 12వ ర్యాంకు, సౌత్‌ జోన్‌ స్థాయిలో 6వ ర్యాంకు సాధించింది.
• మెట్‌పల్లికి జాతీయ స్థాయిలో 763వ ర్యాంకు, రాష్ట్ర స్థాయిలో 38వ ర్యాంకు, సౌత్‌ జోన్‌ స్థాయిలో 18వ ర్యాంకు వచ్చింది.

5 వేల నుంచి 25 వేల లోపు జనాభా మున్సిపాలిటీల్లో..

• చొప్పదండి జాతీయ స్థాయిలో 1156వ ర్యాంకు, రాష్ట్ర స్థాయిలో 86వ ర్యాంకు, జోనల్‌ స్థాయిలో 28వ ర్యాంకు సాధించింది.
• ధర్మపురికి జాతీయ స్థాయిలో 1159వ ర్యాంకు, రాష్ట్ర స్థాయిలో 87వ ర్యాంకు, సౌత్‌ జోన్‌ స్థాయిలో 29వ ర్యాంకు వచ్చింది.
• రాయికల్‌ జాతీయ స్థాయిలో 858వ ర్యాంకు, రాష్ట్ర స్థాయిలో 48వ ర్యాంకు, సౌత్‌ జోన్‌ స్థాయిలో 14వ ర్యాంకు సాధించింది.
• మంథనికి జాతీయ స్థాయిలో 2678వ ర్యాంకు, రాష్ట్ర స్థాయిలో 128వ ర్యాంకు, సౌత్‌ జోన్‌ స్థాయిలో 165వ ర్యాంకు వచ్చింది.
• సుల్తానాబాద్‌ జాతీయ స్థాయిలో 3042వ ర్యాంకు, రాష్ట్ర స్థాయిలో 130వ ర్యాంకు, సౌత్‌ జోన్‌ స్థాయిలో 226వ ర్యాంకు సాధించింది.

మంచి ర్యాంకు రావడం గర్వకారణం

స్వచ్ఛ సర్వేక్షణ్‌ పోటీల్లో కరీంనగర్‌ నగరపాలక సంస్థకు మెరుగైన ర్యాంకులు, అవార్డులు రావడం గర్వకారణం. గతంతో పోలిస్తే చాలా మెరుగ్గా ఉన్నది. గతేడాది లక్షకుపైగా జనాభా ఉన్న నగరాల కేటగిరీలో తక్కువ నగరాలతో పోటీ పడి 61 ర్యాంకు సాధించగా, ఈ సారి మరిన్ని ఎక్కువ నగరాలతో పోటీ పడి 81వ ర్యాంకు సాధించడం సంతోషకరం. గతంతో పోలిస్తే ప్రస్తుతం వచ్చిన ర్యాంకు చాలా మెరుగైనది. పాలకవర్గంతో పాటు పారిశుధ్య కార్మికులు, సిబ్బంది, ప్రజల కృషి ఫలితమే ఈ ర్యాంకులు. కేసీఆర్‌ ప్రభుత్వంలో పరిశుభ్రమైన నగరంగా అభివృద్ధి చెందడంతోనే ఈ ఫలితాలు. ఎమ్మెల్యే గంగుల కమలాకర్‌, మాజీ ఎంపీ వినోద్‌కుమార్‌ సహకారం మరువలేనిది. ప్రజలు, పారిశుధ్య కార్మికులు, సిబ్బందికి అభినందనలు.

– వై సునీల్‌రావు, మేయర్‌