Sakhi Centers | మహిళల సమస్యల పరిష్కారానికే సఖీ సెంటర్ల నిర్వహణ.. రాష్ట్ర మహిళా కమిషన్ సభ్యురాలు కటారి రేవతి రావు

మహిళల సమస్యల పరిష్కారానికి సఖీ సెంటర్లు పనిచేస్తున్నాయని రాష్ట్ర మహిళా కమిషన్ సభ్యురాలు కటారి రేవతి రావు అన్నారు. రాజన్న సిరిసిల్ల జిల్లా కేంద్రంలోని సఖీ సెంటర్ ను ఆమె మంగళవారం సందర్శించారు.

Sakhi Centers | సిరిసిల్ల టౌన్, మే 13: మహిళల సమస్యల పరిష్కారానికి సఖీ సెంటర్లు పనిచేస్తున్నాయని రాష్ట్ర మహిళా కమిషన్ సభ్యురాలు కటారి రేవతి రావు అన్నారు. రాజన్న సిరిసిల్ల జిల్లా కేంద్రంలోని సఖీ సెంటర్ ను ఆమె మంగళవారం సందర్శించారు. ఈ సందర్భంగా సఖీ సెంటర్ ను పరిశీలించి అక్కడ ఉన్న మహిళలతో కాసేపు ముచ్చటించి వారి సమస్యలను అడిగి తెలుసుకున్నారు. ఈ సందర్భంగా ఆమె విలేకరులతో మాట్లాడుతూ… దేశవ్యాప్తంగా సఖీ సెంటర్లు ఏ విధంగా పనిచేస్తున్నాయో నేషనల్ ఉమెన్స్ కమిషనర్ ఆదేశాల మేరకు సఖీ సెంటర్ ను పరిశీలించినట్లు తెలిపారు.

మహిళలకు ఏ అర్ధరాత్రి సమస్య వచ్చినా ఒక్క ఫోన్ కాల్ తో సఖీ సెంటర్ స్పందిస్తుందని పేర్కొన్నారు మహిళల సమస్యల పరిష్కారానికి సెంటర్ బ్రహ్మాండంగా పనిచేస్తుందన్నారు.  తెలంగాణ రాష్ట్రంలో మాత్రం సఱై సెంటర్లు సక్సెస్ ఫుల్ గా పనిచేస్తున్నాయని తెలిపారు. ఈ కార్యక్రమంలో జిల్లా సంక్షేమ శాఖ అధికారి లక్ష్మీరాజం తదితరులు పాల్గొన్నారు.