Chigurumamidi | భూభారతిలో రైతు సమస్యల పరిష్కారం.. కరీంనగర్ ఆర్‌డీవో షర్మిల

భూభారతి రీ సర్వే తో రైతు సమస్యలు పరిష్కారమయ్యే అవకాశం ఉందని కరీంనగర్ ఆర్‌డీవో షర్మిల అన్నారు. చిగురుమామిడి మండలంలోని ఉల్లంపల్లి గ్రామంలో భూభారతి సర్వే అవగాహన సదస్సు శుక్రవారం నిర్వహించారు.

ప్రతీ సర్వే నెంబరు, ప్రతీ విస్తీర్ణం రీసర్వే చేయనున్నట్లు పేర్కొన్నారు. రీ సర్వేకు గ్రామస్తులు సహకరించాలని కోరారు. గ్రామ సదస్సులో పలువురు రైతులు అడిగిన సమస్యలకు అధికారులు వివరణ ఇచ్చారు. భూ సమస్యలపై కొంతమంది రైతులు ఆర్జీలు సమర్పించగా అధికారులు స్వీకరించారు. తగిన న్యాయం చేసి పరిష్కరిస్తామని వారికి హామీ ఇచ్చారు. ఈ కార్యక్రమంలో సర్పంచ్ అలువాల శంకర్, ఎస్ఎంసీ చైర్మన్ కంది తిరుపతిరెడ్డి, ఏడీ కిషన్ రావు, డీఐ శ్రీనివాస్, తహసీల్దార్ కొండం కనకయ్య, ఎంపీడీవో రామ్మోహన్ చారి, ఎంపీవో బత్తిని కిరణ్ కుమార్, మండల సర్వేయర్ బాలమురళీకృష్ణ, గ్రామస్తులు, రైతులు పాల్గొన్నారు.