Rajanna Sircilla | రాజన్న సిరిసిల్ల జిల్లాలో రెండో విడత ఎన్నికల ప్రక్రియ ప్రారంభం

Rajanna Sircilla | రాజన్న సిరిసిల్ల జిల్లాలో రెండో విడత పంచాయతీ ఎన్నికలు ప్రక్రియ మొదలైంది. ఆదివారం నుంచి నామినేషన్లు స్వీకరణ ప్రారంభమైంది.

Rajanna Sircilla | సిరిసిల్ల రూరల్, నవంబర్ 30: రాజన్న సిరిసిల్ల జిల్లాలో రెండో విడత పంచాయతీ ఎన్నికలు ప్రక్రియ మొదలైంది. ఆదివారం నుంచి నామినేషన్లు స్వీకరణ ప్రారంభమైంది. నవంబర్ 30 నుంచి డిసెంబర్ 2వ తేదీ వరకు నామినేషన్ల స్వీకరణ కొనసాగుతుంది. డిసెంబర్ 3న నామినేషన్ల పరిశీలన, డిసెంబర్ 6 వరకు నామినేషన్ల ఉపసంహరణ గడువు విధించారు. డిసెంబర్ 14న ఉదయం 7 గంటల నుంచి మధ్యాహ్నం 1 గంట వరకు పోలింగ్ కొనసాగుతుంది. అదే రోజు ఓట్ల లెక్కింపు పూర్తి చేసి, ఫలితాలను వెల్లడిస్తారు. ఈ మేరకు ఎన్నికల అధికారులు ఎన్నికల నిర్వహణకు పకడ్బందీ ఏర్పాట్లు చేశారు.

రెండో విడతలో 88 గ్రామపంచాయతీ లు…

రాజన్న సిరిసిల్ల జిల్లాలో రెండో విడతలో తంగళ్ళపల్లి, బోయినపల్లి, ఇల్లంతకుంట మండలాల్నిలో పంచాయతీ ఎన్నికలు జరగనున్నాయి. తంగళ్ళపల్లి మండలంలో 30 గ్రామ పంచాయతీలు, బోయినపల్లిలో 23 గ్రామ పంచాయతీలు, ఇల్లంతకుంట మండలంలో 35 గ్రామపంచాయతీలకు ఎన్నికలు జరగనున్నాయి. రెండో విడతలో మొత్తం 88 గ్రామపంచాయతీలు, 758 వార్డు స్థానాలకు ఎన్నికలు జరగనున్నాయి.