Run for Unity | ఓదెలలో శుక్రవారం ‘రన్ ఫర్ యూనిటీ’.. విజయవంతం చేయాలని పొత్కపల్లి ఎస్సై రమేష్ పిలుపు

పెద్దపల్లి జిల్లా పొత్కపల్లి పోలీసుల ఆధ్వర్యంలో ఓదెల మండల కేంద్రంలో శుక్రవారం ‘రన్ ఫర్ యూనిటీ’ అనే కార్యక్రమాన్ని నిర్వహిస్తున్నట్లు పొత్కపల్లి ఎస్సై దీకొండ రమేష్ తెలిపారు. ఈ మేరకు ఆయన గురువారం పోలీస్ స్టేషన్లో విలేకరులతో మాట్లాడారు.

Run for Unity | ఓదెల, అక్టోబర్ 30: పెద్దపల్లి జిల్లా పొత్కపల్లి పోలీసుల ఆధ్వర్యంలో ఓదెల మండల కేంద్రంలో శుక్రవారం ‘రన్ ఫర్ యూనిటీ’ అనే కార్యక్రమాన్ని నిర్వహిస్తున్నట్లు పొత్కపల్లి ఎస్సై దీకొండ రమేష్ తెలిపారు. ఈ మేరకు ఆయన గురువారం పోలీస్ స్టేషన్లో విలేకరులతో మాట్లాడారు. సర్దార్ వల్లభాయ్ పటేల్ జయంతి సందర్భంగా ‘రాష్ట్రీయ ఏక్తా దివస్ -2025’ను పురస్కరించుకొని ఈ కార్యక్రమం నిర్వహిస్తున్నట్లు పేర్కొన్నారు.

కావున ప్రజలు ఈ కార్యక్రమాన్ని విజయవంతం చేసేందుకు శుక్రవారం ఉదయం 6 గంటలకు ఓదెల జగదాంబ సెంటర్‌కు చేరుకోవాలని సూచించారు. అక్కడ ఈ కార్యక్రమం ప్రారంభమై ఒర్రెగడ్డ వరకు 2 కిలోమీటర్లు నిర్వహించనున్నట్లు పేర్కొన్నారు. దేశ ఐక్యత, సమగ్రత, సోదరభావాన్ని ప్రతిబింబించే ఈ కార్యక్రమంలో మండలంలోని ప్రజలందరూ యువత, విద్యార్థులు, ప్రభుత్వ సిబ్బంది, అన్ని సంఘాల ప్రతినిధులు ఉత్సాహంగా పాల్గొని విజయవంతం చేయాలని ఎస్సై పిలుపునిచ్చారు.