Nandi Medaram | నంది మేడారం సీహెచ్‌సీని సందర్శించిన పెద్దపల్లి డీసీహెచ్ఎస్

పెద్దపల్లి జిల్లా ధర్మారం మండలం నంది మేడారం గ్రామంలోని సామాజిక ఆరోగ్య కేంద్రం (సీహెచ్‌సీ)ను పెద్దపల్లి డీసీహెచ్ఎస్ కే శ్రీధర్ గురువారం ఆకస్మికంగా సందర్శించారు. దవాఖానలోని పారిశుధ్య స్థితిగతులను ఆయన పరిశీలించారు. దవాఖానలో ఓపీ, ఇన్‌పేషెంట్ సేవలు ఆయన స్వయంగా పరిశీలించారు.

Nandi Medaram | ధర్మారం, అక్టోబర్ 22 : పెద్దపల్లి జిల్లా ధర్మారం మండలం నంది మేడారం గ్రామంలోని సామాజిక ఆరోగ్య కేంద్రం (సీహెచ్‌సీ)ను పెద్దపల్లి డీసీహెచ్ఎస్ కే శ్రీధర్ గురువారం ఆకస్మికంగా సందర్శించారు. దవాఖానలోని పారిశుధ్య స్థితిగతులను ఆయన పరిశీలించారు. దవాఖానలో ఓపీ, ఇన్‌పేషెంట్ సేవలు ఆయన స్వయంగా పరిశీలించారు. సిబ్బంది హాజరు పట్టికను తనిఖీ చేశారు. మందుల లభ్యత, కన్సల్టేషన్ గదుల్లో పారిశుధ్య నిర్వహణ తదితర అంశాలను పరిశీలించారు.రోగులకు అందుతున్న వైద్య సేవలపై వివరాలు తెలుసుకున్న శ్రీధర్‌ దవాఖానకు వచ్చే రోగులకు మెరుగైన వైద్య సేవలు అందించాలని డాక్టర్లకు సూచించారు.

దవాఖానలో పనిచేస్తున్న వైద్యులు, సిబ్బంది సమన్వయంతో విధులు నిర్వర్తించాలని ఆయన ఆదేశించారు. దవాఖాన పరిసర ప్రాంతంలో నిరంతరం పరిశుభ్రతను పాటిస్తూ, రోగులకు అనుకూలమైన వాతావరణం కల్పించాలని ఆయన సూచించారు. త్వరలో ఇట్టి దవాఖానలో ఇన్ పేషెంట్ వైద్య సేవలను అందుబాటులోకి తీసుకురావడానికి ప్రయత్నిస్తున్నట్లు ఆయన పేర్కొన్నారు. దవఖానలో మౌలిక వసతుల కల్పన కోసం ఇప్పటికే ప్రభుత్వానికి నివేదించామని అవసరమైన వైద్యులతో పాటు వైద్య సామగ్రి సమకూరగానే నిరంతర సేవలు అందుబాటులోకి వస్తాయని డాక్టర్ శ్రీధర్ వెల్లడించారు.