Vemulawada | వేములవాడలో పగలే వెన్నెల.. పట్టణంలో పట్టపగలే వెలుగుతున్న విద్యుత్ దీపాలు

సద్దుల బతుకమ్మ దసరా సందర్భంగా వేములవాడ పురపాలక సంఘం పరిధిలో ఏర్పాటు చేసిన విద్యుత్ దీపాలు పండగ రెండు రోజుల క్రితమే ముగిసిన వీధుల్లో మాత్రం నిరంతరం విద్యుత్ దీపాలు వెలుగుతున్నాయి.

• కాంట్రాక్టర్ నిర్లక్ష్యంతో దుర్వినియోగమవుతున్న విద్యుత్

Vemulawada | వేములవాడ, అక్టోబర్ 23 : సద్దుల బతుకమ్మ దసరా సందర్భంగా వేములవాడ పురపాలక సంఘం పరిధిలో ఏర్పాటు చేసిన విద్యుత్ దీపాలు పండగ రెండు రోజుల క్రితమే ముగిసిన వీధుల్లో మాత్రం నిరంతరం విద్యుత్ దీపాలు వెలుగుతున్నాయి. వేములవాడ పురపాలక సంఘం ఆధ్వర్యంలో పట్టణంలో సద్దుల బతుకమ్మ దసరా సందర్భంగా వీధులలో విద్యుత్ దీపాలను ఏర్పాటు చేశారు. మహాలక్ష్మి వీధిలోని జమ్మి చెట్టు వరకు స్వామివారి సేవ వెళ్లడంతోపాటు పట్టణవాసులందరూ జమ్మి చెట్టు వరకు వెళ్లి ప్రత్యేక పూజలు పాల్గొనే అవకాశం ఉంటుంది. గాంధీనగర్ మహాలక్ష్మి వీధి వరకు విద్యుత్ దీపాలను ఏర్పాటు చేశారు.

పండగ మంగళవారం నాటికి ముగియగా శుక్రవారం నాటికి కూడా వీధి దీపాల విద్యుత్తును నియంత్రించడంలో నిర్లక్ష్యం చేస్తున్నారు. ఇది ఇంతవరకు బాగానే ఉన్నా కాంట్రాక్టర్ నిర్లక్ష్యంతో విద్యుత్ దుర్వినియోగమవుతోంది. రాష్ట్రంలో విద్యుత్ సరఫరా లో నియంత్రణ ఉండగా వేములవాడ మున్సిపాలిటీలో మాత్రం పండగ పేరుతో ఏర్పాటు చేసిన వందలాది విద్యుత్ దీపాలు వెలుగుతూ విచ్చలవిడిగా విద్యుత్ ను దుర్వినియోగం చేస్తున్నట్లు ఆరోపణలు వస్తున్నాయి.