Sunke Ravishankar | గుడికో జమ్మి మొక్క నాటుదాం.. చొప్పదండి మాజీ ఎమ్మెల్యే సుంకె రవిశంకర్‌

మాజీ రాజ్యసభ సభ్యుడు, గ్రీన్ ఇండియా చాలెంజ్ వ్యవస్థాపకుడు జోగినిపల్లి సంతోష్ కుమార్ పిలుపు మేరకు గుడికో జమ్మి మొక్కలు నాటుదామని మాజీ ఎమ్మెల్యే సుంకె రవిశంకర్ పిలుపునిచ్చారు. గ్రీన్ ఇండియా ఛాలెంజ్ లో గంగాధర మండలం గర్షకుర్తి గ్రామంలోని పోచమ్మ గుడి ఆవరణలో స్థానిక బీఆర్ఎస్ నాయకులతో కలిసి శనివారం జమ్మి మొక్క నాటారు.

Sunke Ravishankar | గంగాధర, అక్టోబర్ 10 : మాజీ రాజ్యసభ సభ్యుడు, గ్రీన్ ఇండియా చాలెంజ్ వ్యవస్థాపకుడు జోగినిపల్లి సంతోష్ కుమార్ పిలుపు మేరకు గుడికో జమ్మి మొక్కలు నాటుదామని మాజీ ఎమ్మెల్యే సుంకె రవిశంకర్ పిలుపునిచ్చారు. గ్రీన్ ఇండియా ఛాలెంజ్ లో గంగాధర మండలం గర్షకుర్తి గ్రామంలోని పోచమ్మ గుడి ఆవరణలో స్థానిక బీఆర్ఎస్ నాయకులతో కలిసి శనివారం జమ్మి మొక్క నాటారు. అనంతరం పోచమ్మ ఆలయంలో ప్రత్యేక పూజలు చేశారు. ఈ సందర్భంగా ఆయన మాట్లాడుతూ బతుకమ్మ పండుగ, దసరా, దేవి నవరాత్రుల సందర్భంగా గ్రీన్ ఇండియా ఛాలెంజ్ వ్యవస్థాపకులు, మాజీ రాజ్యసభ సభ్యులు జోగినిపల్లి సంతోష్ కుమార్ ఆధ్వర్యంలో ప్రతిష్టాత్మకంగా ఊరు ఊరికో జమ్మి చెట్టు-గుడి గుడికో జమ్మి చెట్టు సామాజిక కార్యక్రమాన్ని ప్రారంభించారని తెలిపారు.

వేలాదిగా జమ్మి మొక్కలను సిద్ధం చేసి తెలంగాణ రాష్ట్ర వ్యాప్తంగా పల్లెలకు,దేవాలయాలకు ఉచితంగా పంపిణీ చేస్తున్నారని తెలిపారు. ఇందులో భాగంగా చొప్పదండి నియోజకవర్గంలోని పలు దేవాలయాల వద్ద జమ్మి మొక్కలు నాటే కార్యక్రమానికి శ్రీకారం చుట్టినట్లు తెలిపారు. అనంతరం బిఆర్ఎస్ నాయకులు, గ్రామస్తులతో కలిసి ఊరూర జమ్మి చెట్టు పోస్టర్ ను ఆవిష్కరించారు. ఈ కార్యక్రమంలో బీఆర్ఎస్ మండల మాజీ అధ్యక్షులు మేచినేని నవీన్ రావు, నాయకులు కంకణాల విజేందరరెడ్డి, రామిడి సురేందర్, బొల్లాడి శ్రీనివాసరెడ్డి, మామిడిపల్లి అఖిల్ తదితరులు పాల్గొన్నారు.