కొత్త కలెక్టర్లు వచ్చేశారు

కొత్త కలెక్టర్లు వచ్చేశారు. రాష్ట్ర ప్రభుత్వం చేపట్టిన బదిలీల్లో భాగంగా కరీంనగర్‌ ఉమ్మడి జిల్లాలోని నాలుగు జిల్లాల కలెక్టర్లు ట్రాన్స్‌ఫర్‌ కాగా, వారి స్థానంలో కొత్తవారిని నియమిస్తూ ప్రభుత్వ ప్రధాన కార్యదర్శి ఉత్తర్వులు జారీ చేసిన విషయం తెలిసిందే.

• జగిత్యాలలో బీ సత్యప్రసాద్‌
• రాజన్నసిరిసిల్లలో సందీప్‌కుమార్‌
• పెద్దపల్లిలో కోయ శ్రీహర్ష బాధ్యతలు

కొత్త కలెక్టర్లు వచ్చేశారు. రాష్ట్ర ప్రభుత్వం చేపట్టిన బదిలీల్లో భాగంగా కరీంనగర్‌ ఉమ్మడి జిల్లాలోని నాలుగు జిల్లాల కలెక్టర్లు ట్రాన్స్‌ఫర్‌ కాగా, వారి స్థానంలో కొత్తవారిని నియమిస్తూ ప్రభుత్వ ప్రధాన కార్యదర్శి ఉత్తర్వులు జారీ చేసిన విషయం తెలిసిందే. ఈ మేరకు ఆదివారం రాజన్న సిరిసిల్ల కలెక్టర్‌గా సందీప్‌కుమార్‌ ఝా, జగిత్యాల కలెక్టర్‌గా బీ సత్యప్రసాద్‌, పెద్దపల్లి కలెక్టర్‌గా కోయ శ్రీహర్ష ఆయా జిల్లాల కలెక్టరేట్ల కార్యాలయాల్లో బాధ్యతలు స్వీకరించారు.

• జగిత్యాల జిల్లా నూతన కలెక్టర్‌గా బీ సత్యప్రసాద్‌ ఆదివారం బాధ్యతలు స్వీకరించారు. ఆయన్ను వివిధ శాఖల అధికారులు, సిబ్బంది కలిసి పూల మొకలను అందించి శుభాకాంక్షలు తెలిపారు. కార్యక్రమంలో అదనపు కలెక్టర్‌ (రెవిన్యూ) పీ రాంబాబు, రెవిన్యూ డివిజనల్‌ అధికారులు పీ మధుసూదన్‌, ఆనంద్‌ కుమార్‌, వివిధ శాఖల జిల్లా అధికారులు ఉన్నారు.
• రాజన్న సిరిసిల్ల జిల్లా నూతన కలెక్టర్‌గా సందీప్‌కుమార్‌ ఝా ఆదివారం బాధ్యతలు స్వీకరించారు. ముందుగా వేములవాడ రాజన్న ను దర్శించుకున్న అనంతరం సిరిసిల్ల సమీకృత కలెక్టరేట్‌కు చేరుకున్నారు. ఆయనకు అదనపు కలెక్టర్లు గౌతమీ పూజారీ, ఖీమ్యానాయక్‌ ఘనస్వాగతం పలికారు. బాధ్యతలు స్వీకరించిన అనంతరం డీపీవో బుచ్చయ్య, డీఆర్‌డీఓ శేషాద్రి, వ్యవసాయ శాఖ అధికారి భాస్కర్‌ వివిధ శాఖల అధికారులు మర్యాదపూర్వకంగా కలిసి అభినందించారు.
• పెద్దపల్లి జిల్లా నూతన కలెక్టర్‌గా కోయ శ్రీ హర్ష ఆదివారం ఉదయం తన బాధ్యతలు స్వీకరించారు. ఇప్పటిదాకా నారాయణపేట జిల్లా కలెక్టర్‌గా పనిచేసిన ఆయన పెద్దపల్లికి బదిలీపై వచ్చారు. కాగా, సమీకృత కలెక్టరేట్‌లోని కలెక్టర్‌ ఛాంబర్లో బాధ్యతలు స్వీకరించిన ఆయన్ను ఆర్డీవో గంగయ్య, కలెక్టరేట్‌ ఏవో శ్రీనివాస్‌, పెద్దపల్లి తహసీల్దార్‌, కలెక్టరేట్‌ వివిధ సెక్షన్‌ల పర్యవేక్షకులు, సిబ్బంది, జిల్లా అధికారులు మర్యాద పూర్వకంగా కలిసి పుష్పగుచ్ఛాలు అందించి శుభాకాంక్షలు తెలిపారు.