Kondagattu | కొండగట్టు అంజన్న ఆలయానికి ముడుపుల రూపంలో రూ.1.65 లక్షల ఆదాయం సమకూరణ

జగిత్యాల జిల్లాలో ప్రముఖ పుణ్యక్షేత్రమైన కొండగట్టు శ్రీ ఆంజనేయ స్వామి సన్నిధానంలో ఈనెల 20 నుండి 23 వరకు నిర్వహించిన హనుమాన్ పెద్ద జయంతి ఉత్సవాల నేపథ్యంలో దీక్షాపరులు సమర్పించిన ఇరుముడులను లెక్కించినట్లు ఆలయ ఈవో శ్రీకాంత్ రావు తెలిపారు.

Kondagattu |  జగిత్యాల :జగిత్యాల జిల్లాలో ప్రముఖ పుణ్యక్షేత్రమైన కొండగట్టు శ్రీ ఆంజనేయ స్వామి సన్నిధానంలో ఈనెల 20 నుండి 23 వరకు నిర్వహించిన హనుమాన్ పెద్ద జయంతి ఉత్సవాల నేపథ్యంలో దీక్షాపరులు సమర్పించిన ఇరుముడులను లెక్కించినట్లు ఆలయ ఈవో శ్రీకాంత్ రావు తెలిపారు.

ఈ నేపథ్యంలోనే ఆలయానికి రూ.1,65,641 నగదు రూపంలో సమకూరినట్లు తెలిపారు. వస్తు రూపేణా బియ్యం, ఎండు కుడుకలు, భూరు తీయని కొబ్బరి సమకూరినట్లు తెలిపారు. సమకూరిన వస్తువులకు త్వరలోనే టెండర్ ప్రక్రియను నిర్వహించనున్నట్లు ఈవో తెలిపారు.

ఈ కార్యక్రమంలో దేవాదాయ ధర్మాదాయ శాఖ జగిత్యాల డివిజన్ పరిశీలకుడు రాజమౌళి, ఆలయ పర్యవేక్షకులు నీలా చంద్రశేఖర్, హరిహరనాథ్, సునీల్, ఆలయ ఇన్స్పెక్టర్లు శ్రీనివాస్, సుధాకర్ రెడ్డి, పోలీస్ శాఖ ఏఎస్ఐ రమణారెడ్డి సేవా సమితి సభ్యులు తదితరులు పాల్గొన్నారు.