నాణేల సేకరణే హాబీ

అతడికి చిన్ననాటి నుంచే నాణేల సేకరణ అంటే మక్కువ ఎక్కువ. ఇంజినీరింగ్‌ పూర్తి చేసిన ఆ యువకుడు సివిల్స్‌ కోసం సిద్ధమవుతూనే నాణేల సేకరణను హాబీగా మార్చుకున్నాడు. డిజిటల్‌ యుగంలో తేలియాడుతున్న నేటి తరానికి మన ఘన చరితను

• ప్రాచీన, మధ్యయుగాలు, బ్రిటీష్‌, నిజాంల కాలం నాటి కాయిన్స్‌..
• హుజూరాబాద్‌ యువకుడు రవిచంద్ర ఘనత
• నేటి తరానికి అందించడమే లక్ష్యమని వెల్లడి

హుజూరాబాద్‌టౌన్‌, నవంబర్‌ 7 : అతడికి చిన్ననాటి నుంచే నాణేల సేకరణ అంటే మక్కువ ఎక్కువ. ఇంజినీరింగ్‌ పూర్తి చేసిన ఆ యువకుడు సివిల్స్‌ కోసం సిద్ధమవుతూనే నాణేల సేకరణను హాబీగా మార్చుకున్నాడు. డిజిటల్‌ యుగంలో తేలియాడుతున్న నేటి తరానికి మన ఘన చరితను అందించడమే లక్ష్యమని చెబుతున్నాడు హుజూరాబాద్‌కు చెందిన తాటిపాముల రవిచంద్ర. ఇందుకు పలుచోట్ల ఎగ్జిబిషన్లను ఏర్పాటు చేస్తున్నానని పేర్కొన్నాడు.

హుజూరాబాద్‌కు చెందిన రవిచంద్ర ఎనిమిదో తరగతి చదువుతున్నప్పటి నుంచే నాణేల సేకరణపై అభిరుచిని పెంచుకున్నాడు. అప్పుడు తనకు దొరికిన నిజాం కాలం నాటి కాయిన్‌పై పరిశోధన చేశాడు. క్రమంగా నాణేల సేకరణను హాబీగా మార్చుకున్నాడు. ఉమ్మడి కరీంనగర్‌లోని కోటిలింగాల, పెద్దబొంకూర్‌, ధూళికట్ట ప్రాంతంలో అనేక ఆనవాళ్లు దొరికాయి. ఆధునిక ప్రపంచం డిజిటల్‌ సేవలపైన (ఫోన్‌ పే, గుగూల్‌ పే) పైన నడుస్తున్నందున ఇప్పటి పిల్లలకి వీటిపైన అవగాహన కల్పించడం కోసం తన ప్రయత్నమన్నారు. త్వరలో రవిచంద్ర సేకరించిన నాణేలను వివిధ ప్రాంతాల్లో కూడా అవగాహన సదస్సులు (ఎగ్జిబిషన్‌) పెట్టే ఆలోచనలో ఉన్నాడు. తద్వారా ఆయా చిన్న పిల్లలకు కూడా అవగాహన కలుగుతుంది రవిచంద్ర ఆలోచన. పిల్లలకు కూడా ఇది ఒక అభిరుచిగా మారే అవకాశం ఉంటుంది.

ప్రస్తుతం రవిచంద్ర ఇంజినీరింగ్‌ పూర్తి చేసి సివిల్‌ సర్వీసెస్‌ (యూపీఎస్‌సీ) ఎగ్జామ్స్‌ కోసం ప్రిపేర్‌ అవుతున్నాడు. అలాంటి యువకుడు సమాజానికి చరిత్ర గురించి తెలిపాలన్న సంకల్పంతో తన చిరుప్రయత్నమే నాణేల సేకరణ హాబీ అంటున్నాడు.

సేకరించిన కాయిన్స్‌..

• నిజాం రాగి నాణేముతో మొదలైన తన సేకరణ తరువాత ప్రాచీన, మధ్యయుగ, మరియు బ్రిటీష్‌ కాలం నాటి నాణేముల వైపు కొనసాగింది.
• ప్రస్తుతానికి రవిచంద్ర దగ్గర దక్షిణపథ ప్రాంతం ప్రాచీన కాలనీకి సంబంధించి మౌర్యుల, శాతవాహన, వాకాటక, ఇక్షాకుల, విష్ణుకుందినుల, సెబెకా- విదర్భ నాణేములు ఉన్నాయి.
• మహాజనపదాలలో మగద, పాంచాల, అనంతి, విదర్భ నాణేములు ఉన్నాయి.
• ప్రాచీన నాణేములలో కుషాన్‌-కనిషుడి, సాకా ( నహపణ), ఇండో- స్కైతియన్స్‌, హిరణ్యకుల, గుప్తా, సుంగా నాణెములు.
• మధ్యయుగ నాణేలు : ఢిల్లీ సుల్తానులు ( షేర్‌షా, ఇస్లామ్‌షా, అల్లావుద్దిన్‌ ఖిల్జీ). మొగలులు / అక్బర్‌, జహంగీర్‌, షాజహన్‌, ఔరంగజేబు, మహ్మద్‌షా, ఫారుక్‌షియార్‌), బహమణి సుల్తానులు, హైదరాబాద్‌ నిజాం నాణేంలు.
• హైదరాబాద్‌లో సంస్థానాలతో (గద్వాల్‌, నారాయణ్‌పేట్‌, వనపర్తి)
• బ్రిటిష్‌ నాణేంలు: విలియమ్‌ -4, విక్టోరియా క్విన్‌, విక్టోరియా ఇంప్రెస్‌, జార్జ్‌-5, జార్జ్‌-4
  మైసూర్‌ టిప్పు సుల్తాన్‌, ట్రావంకోర్‌ రాజులు, వివిధ రకముల (ప్రిన్‌స్లె స్టెట్‌ నాణేలు).
• మద్రాసు, బొంబాయి, బెంగాల్‌ ప్రెసిడెన్సి నాణెములు. ఇలా నాణేల సేకరణతో రవిచంద్ర హుజూరాబాద్‌ ప్రాంతంలోప్రత్యేక గుర్తింపు పొందుతున్నారు.

 

భారత దేశాన్ని పరిపాలించిన రాజుల కాలంలో చెలమణిలో ఉన్న నాణేలు

 

హైదరాబాద్‌ సంస్థాన్‌ కాలం నాటి నాణం