Jagityal | ధాన్యం కొనుగోళ్లు వేగవంతం చేయాలి.. కలెక్టర్ సత్యప్రసాద్

ధాన్యం కొనుగోళ్లు వేగవంతం చేయాలని కలెక్టర్ సత్య ప్రసాద్ అన్నారు. బీర్ పూర్ మండలంలోని నర్సింహులపల్లి, చర్లపల్లి, కందెన కుంట గ్రామాల్లో వరి ధాన్య కొనుగోలు కేంద్రాలను శుక్రవారం ఆకస్మికంగా తనిఖీలు చేశారు.

Jagityal | సారంగాపూర్, మే 30: ధాన్యం కొనుగోళ్లు వేగవంతం చేయాలని కలెక్టర్ సత్య ప్రసాద్ అన్నారు. బీర్ పూర్ మండలంలోని నర్సింహులపల్లి, చర్లపల్లి, కందెన కుంట గ్రామాల్లో వరి ధాన్య కొనుగోలు కేంద్రాలను శుక్రవారం ఆకస్మికంగా తనిఖీలు చేశారు. ఈ సందర్భంగా కలెక్టర్ సత్యప్రసాద్ మాట్లాడుతూ ధాన్యం కొనుగోళ్లు వేగవంతం చేయాలని అధికారులను ఆదేశించారు.

వర్షాలు కురుస్తున్నాయని త్వరగా కొనుగోళ్లు చేపట్టి ధాన్యం మిల్లులకు తరలించాలని ఆదేశించారు. ఈ కార్యక్రమంలో ఆర్డీఓ మధుసూదన్, తహసీల్దార్ సుజాత, డిప్యూటీ తహసీల్దార్ శ్రీనివాస్, సీఈఓ తిరుపతి, సెంటర్ నిర్వాహకులు, అధికారులు, తదితరులు పాల్గొన్నారు.