Eye surgeries | లయన్స్ క్లబ్ ఆధ్వర్యంలో పలువురికి కంటి ఆపరేషన్లు

కంటి చూపుతో బాధపడుతూ కంటి ఆపరేషన్లు చేయించుకోలేని స్థితిలో ఉన్న పలువురికి లయన్స్ క్లబ్ చేయూత అందించింది. ఈమేరకు శుక్రవారం గోదావరిఖని లయన్స్ క్లబ్ భవన్లో కరీంనగర్ రేకుర్తి కంటి దవాఖాన సహకారంతో ఉచిత కంటి వైద్య శిబిరం నిర్వహించింది.

Eye surgeries | కోల్ సిటీ, జూలై 11: కంటి చూపుతో బాధపడుతూ కంటి ఆపరేషన్లు చేయించుకోలేని స్థితిలో ఉన్న పలువురికి లయన్స్ క్లబ్ చేయూత అందించింది. ఈమేరకు శుక్రవారం గోదావరిఖని లయన్స్ క్లబ్ భవన్లో కరీంనగర్ రేకుర్తి కంటి దవాఖాన సహకారంతో ఉచిత కంటి వైద్య శిబిరం నిర్వహించింది. ఈ శిబిరంలో దీర్ఘకాలిక కంటి సమస్యతో బాధపడుతున్న 28 మంది బాధితులను గుర్తించారు. వారికి ఉచిత బస్సు ప్రయాణం కల్పించి కరీంనగర్ రేకుర్తి హాస్పిటల్ కు తీసుకవెళ్లి కంటి ఆపరేషన్లు చేయించారు.

ప్రతీ ఒక్కరి దైనందిన జీవితం ప్రారంభంలో కంటి చూపు కీలకమనీ, ఆ సమస్యతో బాధపడే నిరుపేదలకు వ్యయ ప్రయాసాలను భరించి ఉచితంగా కంటి ఆపరేషన్లు చేయిస్తున్నామని లయన్స్ క్లబ్ ప్రతినిధులు తెలిపారు. ఈ కార్యక్రమంలో క్లబ్ పీఎస్టీలు ఎల్లప్ప, సారయ్య, రాజేంద్రకుమార్, లయన్ ఎం గంగాధర్, జడ్‌సీ మల్లికార్జున్, తిలక్ చక్రవర్తి, బంక రామస్వామితోపాటు సభ్యులు పాల్గొన్నారు.