Dharmaram | ధర్మారం మండలంలోని అంగన్‌వాడీ కేంద్రాల్లో తల్లిపాల వారోత్సవాలు

పెద్దపల్లి జిల్లా ధర్మారం మండలంలోని పలు గ్రామాలలోని అంగన్‌వాడీ కేంద్రాల్లో శుక్రవారం తల్లిపాల వారోత్సవాలు నిర్వహించారు. బొమ్మరెడ్డిపల్లి గ్రామంతో పాటు కొత్తపల్లి, ఎర్రగుంటపల్లి గ్రామాల్లోని అంగన్‌వాడీ కేంద్రాలలో సంయుక్తంగా తల్లిపాల వారోత్సవాలు నిర్వహించారు.

Dharmaram | ధర్మారం, ఆగస్టు 7 : పెద్దపల్లి జిల్లా ధర్మారం మండలంలోని పలు గ్రామాలలోని అంగన్‌వాడీ కేంద్రాల్లో శుక్రవారం తల్లిపాల వారోత్సవాలు నిర్వహించారు. బొమ్మరెడ్డిపల్లి గ్రామంతో పాటు కొత్తపల్లి, ఎర్రగుంటపల్లి గ్రామాల్లోని అంగన్‌వాడీ కేంద్రాలలో సంయుక్తంగా తల్లిపాల వారోత్సవాలు నిర్వహించారు.

ఈ ఉత్సవాలకు ఐసీడీఎస్ సూపర్వైజర్ బ్లాండీన హాజరై తల్లులు, బాలింతలు, గర్భవతులకు తల్లి పాల విశిష్టత గురించి వివరించారు. పుట్టిన శిశువుకు తల్లి ముర్రుపాలు పట్టించాలని సూచించారు. ముర్రుపాలు వల్ల శిశువులో రోగ నిరోధక శక్తి పెరిగి ఆరోగ్యకరంగా ఉంటారని ఆమె పేర్కొన్నారు. ఈ కార్యక్రమంలో ఆయా గ్రామాల అంగన్‌వాడీ టీచర్లు బుర్ర రేణుక, మంగ రాణి, అరుణ, బుచ్చవ్వ, కవిత, ఆయాలు పాల్గొన్నారు.