Bandi Sanjay Kumar | టెట్‌ నుంచి మినహాయింపునివ్వాలని బండి సంజయ్‌ కుమార్‌ జీటీఏ సభ్యుల వినతి

ఇన్‌ సర్వీస్ ఉపాధ్యాయులకు, నూతనంగా టీఈటీ రాసే అభ్యర్థులకు న్యాయం చేయాలని ప్రభుత్వ ఉపాధ్యాయ సంఘం(జీటీఏ) అధ్యక్ష కార్యదర్శులు, కమిటీ సభ్యులు కేంద్ర హోంశాఖ సహాయ మంత్రి బండి సంజయ్‌ కుమార్‌కు వినతి ప్రతం అందజేశారు.

Bandi Sanjay Kumar | కమాన్‌ చౌరస్తా, డిసెంబర్‌ 31 : ఇన్‌ సర్వీస్ ఉపాధ్యాయులకు, నూతనంగా టీఈటీ రాసే అభ్యర్థులకు న్యాయం చేయాలని ప్రభుత్వ ఉపాధ్యాయ సంఘం(జీటీఏ) అధ్యక్ష కార్యదర్శులు, కమిటీ సభ్యులు కేంద్ర హోంశాఖ సహాయ మంత్రి బండి సంజయ్‌ కుమార్‌కు వినతి ప్రతం అందజేశారు.

ఈ సందర్భంగా పలువురు మాట్లాడుతూ సర్వీస్ ఉపాధ్యాయులు ఇప్పటికే బీఈడీ వంటి ఉపాధ్యాయ వృత్తి విద్యా కోర్సులను పూర్తి చేసి, కఠినమైన పోటీ పరీక్షలను ఎదుర్కొని ఉన్నవారికి మళ్లీ టెట్‌ తప్పనిసరి చేయడం వేలాది మంది ఉపాధ్యాయులకు మనోవేదనకు గురి చేస్తుందని, ఈ నిబంధనలను పున సమీక్షించాలని, ఉపాధ్యాయుల సంక్షేమాన్ని దృష్టిలో ఉంచుకొని ఈ విషయాన్ని కేంద్ర విద్యా శాఖ దృష్టికి తీసుకువెళ్లి తగిన పరిష్కారం చూపాలని కోరారు.

అనంతరం, ప్రభుత్వ ఉపాధ్యాయ సంఘం క్యాలెండర్‌ ను బండి సంజయ్‌ ఆవిష్కరించారు. ఈ కార్యక్రమంలో సంఘం అధ్యక్షుడు గాజుల రవీందర్‌, ప్రధాన కార్యదర్శి చంద్రశేఖర్‌ రెడ్డి, గౌరవ అధ్యక్షుడు భగవంతయ్య, డీసీఈబీ సెక్రటరీ కార్యవర్గ సభ్యులు బొడిగే శ్రీనివాస్, ప్రమీల, జీహెచ్‌ఎం శంకర్‌ , ఆకారపు మమత, వెంకటయ్య, మాగంటి శ్రీనివాస్, ఎంఈవో పుప్పాల క్రిష్ణ గోపాల్‌, ఉపాధ్యాయులు సంగోజు సత్యనారాయణ చారి, ప్రసాద్‌ రావు, రామారావు, ప్రవీణ్‌ రావు, తిరుపతి రెడ్డి, పి రమేష్‌ రెడ్డి, లక్ష్మీపతి, మైసయ్య, తదితరులు పాల్గొన్నారు.