Chigurumamidi | రేకొండలో బెల్ట్ షాపుల నిషేధం.. గ్రామ సభలో తీర్మానం చేసిన పాలకవర్గం

చిగురుమామిడి మండలంలోని రేకొండ గ్రామంలో బెల్ట్ షాపుల అమ్మకంపై నిషేధిస్తూ గ్రామసభలో సర్పంచ్ అల్లేపు సంపత్ ఆధ్వర్యంలో మంగళవారం పాలకవర్గం ఏకగ్రీవ తీర్మానం చేశారు.

Chigurumamidi | చిగురుమామిడి, జూలై 7 : చిగురుమామిడి మండలంలోని రేకొండ గ్రామంలో బెల్ట్ షాపుల అమ్మకంపై నిషేధిస్తూ గ్రామసభలో సర్పంచ్ అల్లేపు సంపత్ ఆధ్వర్యంలో మంగళవారం పాలకవర్గం ఏకగ్రీవ తీర్మానం చేశారు. బెల్ట్ షాపుల వల్ల గ్రామంలో ప్రజలు అనేక ఇబ్బందులు ఎదుర్కొంటున్నారని అన్నారు. వర్షాకాలంలో వన మహోత్సవం ఘనంగా నిర్వహించాలని, ఇంటింటా మొక్కలు నాటాలని తీర్మానించారు.

వర్షాకాలంలో అంటువ్యాధులు ప్రబలకుండా దోమల నివారణకు గాను పాగింగ్ మిషన్ కొనుగోలుకు తీర్మానించారు. గ్రామపంచాయతీకి అదనంగా ముగ్గురి సిబ్బందిని నియమించాలని నిర్ణయించారు. నెలరోజుల్లోగా గ్రామంలో పూర్తిస్థాయిలో బెల్ట్ షాపులను అమ్మకాలు నిలిపివేయాలి బెల్ట్ షాప్ యజమానులకు నోటీసులు జారీ చేయనున్నట్లు సర్పంచ్ సంపత్ తెలిపారు. ఈ గ్రామ సభలో ఉప సర్పంచ్ బిల్లా సంతోష్ రెడ్డి, పంచాయతీ కార్యదర్శి గోదారి అజయ్ కుమార్, వార్డు సభ్యులు పాల్గొన్నారు.