Suicide | అప్పుల బాధతో లక్ష్మీపూర్‌లో యువకుడి ఆత్మహత్య

అప్పుల బాధతో జీవితంపై విరక్తి చెంది ఓ యువకుడు ఆత్మహత్య చేసుకున్నాడు. ఈ సంఘటన కరీంనగర్ జిల్లా మానకొండూరు మండలం లక్ష్మీపూర్ గ్రామంలో ఆదివారం తెల్లవారుజామున చోటుచేసుకుంది.

Suicide | మానకొండూర్ రూరల్, అక్టోబర్ 25 : అప్పుల బాధతో జీవితంపై విరక్తి చెంది ఓ యువకుడు ఆత్మహత్య చేసుకున్నాడు. ఈ సంఘటన కరీంనగర్ జిల్లా మానకొండూరు మండలం లక్ష్మీపూర్ గ్రామంలో ఆదివారం తెల్లవారుజామున చోటుచేసుకుంది. స్థానికుల కథనం ప్రకారం.. మానకొండూరు మండలంలోని లక్ష్మీపూర్‌ గ్రామానికి చెందిన ఎడ్ల రాకేష్ (24) గత కొంతకాలంగా అప్పులు చేశాడు. దీంతో ఆయన జీవితంపై విరక్తి చెంది తన తాత ఇంట్లో ఉరివేసుకొని ఆత్మహత్యకు పాల్పడ్డాడు. ఈ విషయాన్ని కుటుంబ సభ్యులు, గ్రామస్తులు పోలీసులకు సమాచారం అందించడంతో సంఘటన స్థలానికి పోలీసులు చేరుకొని శవ పంచనామా నిర్వహించారు. అనంతరం మృతదేహాన్ని పోస్టుమార్టం నిమిత్తం కరీంనగర్ ప్రభుత్వ ఆసుపత్రికి తరలించారు. మృతుడి కుటుంబ సభ్యుల ఫిర్యాదు మేరకు కేసు దర్యాప్తు చేస్తున్నట్లు మానకొండూరు సీఐ శ్రీలత తెలిపారు. మృతుడికి తల్లి, తండ్రితో పాటు ఒక సోదరి ఉన్నారు.