మునుపటిలా అదనపు సుంకాలు విధిస్తాం.. భారత్‌కు అమెరికా హెచ్చరిక

అమెరికా వాణిజ్య ప్రతినిధి జెమీషన్‌ గ్రీర్‌ ఈ వారంలో భారత్‌లో పర్యటిస్తున్న క్రమంలో ఆ దేశ ఖజానా కార్యదర్శి స్కాట్‌ బెసెంట్‌ ప్రపంచ దేశాలకు తాజా హెచ్చరిక జారీ చేశారు.

వాషింగ్టన్‌: అమెరికా వాణిజ్య ప్రతినిధి జెమీషన్‌ గ్రీర్‌ ఈ వారంలో భారత్‌లో పర్యటిస్తున్న క్రమంలో ఆ దేశ ఖజానా కార్యదర్శి స్కాట్‌ బెసెంట్‌ ప్రపంచ దేశాలకు తాజా హెచ్చరిక జారీ చేశారు. అదనపు సుంకాలు విధించరాదని సుప్రీం కోర్టు తీర్పు ఇచ్చినా 301 సెక్షన్‌ కింద ఆయా దేశాలపై అదనపు సుంకాలు విధిస్తామని ఆయన పేర్కొన్నారు.

కాగా, భారత్‌-అమెరికా మొదటి విడత ద్వైపాక్షిక వాణిజ్య ఒప్పందం (బీటీఏ)ను ఖరారు చేసుకునేందుకు భారత వాణిజ్య మంత్రి పీయూష్‌ గోయల్‌తో గ్రీర్‌ చర్చలు జరిపారు. వాణిజ్య ఒప్పంద ఖరారుకు అతి దగ్గరలో ఉన్నట్టు ప్రకటించారు.

ట్రంప్‌ సుంకాల హెచ్చరిక

అమెరికన్‌ కంపెనీలపై డిజిటల్‌ సేవల పన్ను విధించే ఏ దేశం నుంచైనా వచ్చే అన్ని వస్తువుల పైనా 100 శాతం సుంకాన్ని విధిస్తామని అమెరికా అధ్యక్షుడు డొనాల్డ్‌ ట్రంప్‌ హెచ్చరించారు.