Trump Tariffs | మరోసారి సుంకాలతో విరుచుకుపడిన ట్రంప్‌.. 70కిపైగా దేశాలపై పెరిగిన టారీఫ్‌లు

ప్రపంచ దేశాలపై సుంకాలతో (Trump Tariffs) అమెరికా అధ్యక్షుడు డొనాల్డ్‌ ట్రంప్‌ (Donald Trump) మరోసారి విరుచుకుపడ్డారు. 70కిపైగా దేశాలపై ఉన్న పరస్పర సుంకాలను 10 శాతం నుంచి 41 శాతం వరకు పెంచారు.

వాషింగ్టన్‌: ప్రపంచ దేశాలపై సుంకాలతో (Trump Tariffs) అమెరికా అధ్యక్షుడు డొనాల్డ్‌ ట్రంప్‌ (Donald Trump) మరోసారి విరుచుకుపడ్డారు. 70కిపైగా దేశాలపై ఉన్న పరస్పర సుంకాలను 10 శాతం నుంచి 41 శాతం వరకు పెంచారు. ఈ మేరకు కార్యనిర్వాహక ఉత్తర్వులపై సంతకాలు చేశారు. కెనడాపై ఇప్పటివరకు 25 శాతంగా ఉన్న టారీఫ్‌లను 35 శాతానికి పెంచారు. ఇక భారత్‌పై 25 సుంకాలు విధిస్తున్నట్లు ఇప్పటికే ప్రకటించిన ట్రంప్‌.. అత్యధికంగా సిరియాపై 41 శాతం సుంకాలు విధించారు. వాణిజ్య ఒప్పందం నేపథ్యంలో యూరోపియన్‌ యూనియన్‌కు సుంకాల విషయంలో కొంత వెసులుబాటు కల్పించారు. 15 శాతం కంటే ఎక్కువ సుంకాల రేట్లు ఉన్న వస్తువులకు కొత్త టారీఫ్‌ల నుంచి మినహాయింపునిచ్చారు.

పరస్పర సుంకాలు ఏ దేశంపై ఎంతంటే..

• 41 శాతం- సిరియా
• 40 శాతం- లావోస్‌, మయన్మార్‌
• 39 శాతం- స్విట్జర్లాండ్‌
• 35 శాతం- ఇరాక్‌, సెర్బియా
• 30 శాతం- అల్జీరియా, బోస్నియా, హెర్జ్‌గోవినా (Herzegovina), లిబియా, దక్షిణాఫ్రికా
• 25 శాతం- భారత్‌, బ్రూనై, కజక్‌స్థాన్‌, మాల్డోవా, టునీషియా
  20 శాతం- బంగ్లాదేశ్‌, శ్రీలంక, తైవాన్‌, వియత్నామ్‌
• 19 శాతం- పాకిస్థాన్‌, మలేషియా, ఇండోనేషియా, కంబోడియా, ఫిప్పీన్స్‌, థాయ్‌లాండ్‌
• 18 శాతం- నికరాగువా
• 15 శాతం- ఇజ్రాయెల్‌, జపాన్‌, టర్కీ, నైజీరియా, ఘనా, పలు ఇతర దేశాలు
• 10 శాతం- బ్రెజిల్‌, యూకే, ఫ్లాక్‌లాండ్‌ దీవులు