Donald Trump | ప్రధాని మోదీ చాలా మంచి వ్యక్తి.. భారత్‌తో త్వరలోనే వాణిజ్య ఒప్పందం : ట్రంప్‌

Donald Trump | అమెరికా అధ్యక్షుడు డొనాల్డ్‌ ట్రంప్ (Donald Trump)‌, భారత ప్రధాన మంత్రి నరేంద్ర మోదీ (PM Modi) మంచి మిత్రులన్న విషయం తెలిసిందే. ఈ నేపథ్యంలో మోదీపై ట్రంప్‌ తాజాగా ప్రశంసలు కురిపించారు.

Donald Trump | అమెరికా అధ్యక్షుడు డొనాల్డ్‌ ట్రంప్ (Donald Trump)‌, భారత ప్రధాన మంత్రి నరేంద్ర మోదీ (PM Modi) మంచి మిత్రులన్న విషయం తెలిసిందే. ఈ నేపథ్యంలో మోదీపై ట్రంప్‌ తాజాగా ప్రశంసలు కురిపించారు. ప్రధాని మోదీ ఓ మంచి వ్యక్తి అని.. ఆయనలాంటి తండ్రి ఉండాలని అందరూ కోరుకుంటారని వ్యాఖ్యానించారు. టోక్యోలో మంగ‌ళ‌వారం వ్యాపార‌వేత్తల‌తో జ‌రిగిన డిన్నర్ పార్టీలో ట్రంప్ ప్రసంగిస్తూ ఈ వ్యాఖ్యలు చేశారు.

‘ప్రధాని మోదీ ప‌ట్ల నాకు ప్రేమ‌, గౌర‌వం ఉన్నాయి. మా మధ్య మంచి స్నేహబంధం ఉంది. ఆయన లాంటి తండ్రి ఉండాలని చాలామంది కోరుకుంటారు. అయితే ఆయన కఠినమైన వ్యక్తి. బలమైన నేత’ అంటూ ట్రంప్‌ చెప్పుకొచ్చారు. ఈ సందర్భంగా భారత్‌-అమెరికా (US-India) మధ్య వాణిజ్య ఒప్పందం గురించి ట్రంప్‌ ప్రస్తావించారు. భారత్‌తో అతి త్వరలోనే వాణిజ్య ఒప్పందం జరగనున్నట్లు ట్రంప్‌ వెల్లడించారు. అంతేకాదు, పాకిస్థాన్-భార‌త్ మ‌ధ్య మొద‌లైన యుద్ధానికి వాణిజ్యంతో బ్రేక్ వేసిన‌ట్లు ట్రంప్ తెలిపారు.

Also Read..

Donald Trump: 7 కొత్త విమానాలను కూల్చేశారు: ట్రంప్‌

Mysterious lights | పాక్‌ ఆకాశంలో వింత వెలుగులు.. నెట్టింట చర్చ

Bishnoi gang | కెనడాలో బిష్ణోయ్‌ గ్యాంగ్‌ ఆగడాలు.. పంజాబ్‌ సింగర్‌ ఇంటిపై కాల్పులు