తోబుట్టువుల‌ను కాపాడుకునేందుకు ఆ పాప చేసిన పనికి నెటిజ‌న్లు ఫిదా

తోబుట్టువుల‌కు ఒక‌రిపై ఒక‌రికి ఉండే ప్రేమ‌, అనుబంధాన్ని మాట‌ల్లో వ‌ర్ణించ‌లేం. తోబుట్టువుల‌ను కాపాడుకునేందుకు ఓ పాప తీసుకున్న చొర‌వ నెటిజ‌న్ల‌ను ఆక‌ట్టుకుంటోంది.

న్యూఢిల్లీ : తోబుట్టువుల‌కు ఒక‌రిపై ఒక‌రికి ఉండే ప్రేమ‌, అనుబంధాన్ని మాట‌ల్లో వ‌ర్ణించ‌లేం. తోబుట్టువుల‌ను కాపాడుకునేందుకు ఓ పాప తీసుకున్న చొర‌వ నెటిజ‌న్ల‌ను ఆక‌ట్టుకుంటోంది. తాజా వీడియోలో ముగ్గురు తోబుట్టువులైన చిన్న పాప‌లు క‌న్‌స్ట్ర‌క్ష‌న్ సైట్‌లో క‌నిపిస్తారు. వారి ముందుకు ఓ వాహ‌నం చొచ్చుకువ‌స్తుండ‌గా ప‌సిక‌ట్టిన పాప త‌న చెల్లెళ్ల‌ను కాపాడుకునేందుకు వాహ‌నానికి ఎదురుగా నిల‌బ‌డి రెండు చేతులు అడ్డంగా చాపుతుంది.

https://twitter.com/Yoda4ever/status/1602852122583867395?s=20&t=vDndQ8r8me6xay469elr1w

వాహ‌నం ఆగిపోవ‌డంతో ఆపై ఇద్ద‌రు తోబుట్టువుల‌ను పాప క్షేమంగా ఇంటిలోప‌లికి తీసుకువెళ్ల‌డం క‌నిపిస్తుంది. వారు లోప‌లికి వెళ్లిన త‌ర్వాత వాహ‌నం వెళ్లిపోతుంది. చిన్నారి స‌మ‌య‌స్ఫూర్తికి, తోబుట్టువుల‌ను కాపాడుకోవాల‌నే త‌ప‌న‌కు నెటిజ‌న్లు ఫిదా అవుతున్నారు. యోగ్ అనే యూజ‌ర్ ట్విట్ట‌ర్‌లో ఈ వీడియోను షేర్ చేశారు.

చిన్నారి త‌న సోద‌రి పాత్ర‌ను సీరియ‌స్‌గా పోషించింద‌ని వీడియోకు క్యాప్ష‌న్ ఇచ్చారు. ఈ వీడియోను ఇప్ప‌టివ‌ర‌కూ ల‌క్ష‌కు పైగా వీక్షించారు. ఈ చిన్నారికి నేను బిగ్ హ‌గ్ ఇవ్వాల‌నుకుంటున్నాన‌ని ఓ యూజ‌ర్ కామెంట్ చేయ‌గా, అద్భుతం..పాప‌కు నాలుగైదేండ్లు ఉంటాయేమో అని మ‌రో యూజ‌ర్ రాసుకొచ్చారు.