2,800 మంది టాటా స్టీల్‌ ఉద్యోగులపై వేటు!

బ్రిటన్‌లోని సౌత్‌ వేల్స్‌, పోర్ట్‌ టాల్బోట్‌ ప్లాంట్‌ బ్లాస్ట్‌ ఫర్నేస్‌లను మూసివేయాలని టాటా స్టీల్‌ నిర్ణయించింది. దీంతో దాదాపు 2,800 మంది ఉద్యోగాలు కోల్పోబోతున్నారు. రానున్న 18 నెలల్లో 2,500 మందిని తొలగిస్తామని, మిగిలిన వారిని రానున్న మూడేళ్లలో తొలగిస్తామని ఆ సంస్థ తెలిపింది.

లండన్‌: బ్రిటన్‌లోని సౌత్‌ వేల్స్‌, పోర్ట్‌ టాల్బోట్‌ ప్లాంట్‌ బ్లాస్ట్‌ ఫర్నేస్‌లను మూసివేయాలని టాటా స్టీల్‌ నిర్ణయించింది. దీంతో దాదాపు 2,800 మంది ఉద్యోగాలు కోల్పోబోతున్నారు. రానున్న 18 నెలల్లో 2,500 మందిని తొలగిస్తామని, మిగిలిన వారిని రానున్న మూడేళ్లలో తొలగిస్తామని ఆ సంస్థ తెలిపింది. దీని కోసం అవసరమైన చట్టపరమైన సంప్రదింపులను ప్రారంభించనున్నట్లు తెలిపింది. స్వచ్ఛందంగా వైదొలగడాన్ని ప్రోత్సహిస్తామని, బాధిత ఉద్యోగులకు సపోర్ట్‌ ప్యాకేజ్‌ కోసం 130 మిలియన్‌ పౌండ్లను ఖర్చు చేస్తామని తెలిపింది.