జెలెన్‌స్కీ సొంతూరిపై రష్యా దాడి

ఒక పక్క యుద్ధం ఆపడానికి ప్రయత్నాలు కొనసాగుతుండగా, ఉక్రెయిన్‌పై రష్యా మరోసారి దాడికి దిగింది. ఉక్రెయిన్‌ అధ్యక్షుడు జెలెన్‌స్కీ సొంత నగరమైన క్రైవీ రీపై శుక్రవారం రష్యా జరిపిన క్షిపణి దాడుల్లో 18 మంది మరణించగా 61 మంది గాయపడ్డారు. మృతులలో 9 మంది పిల్లలు ఉన్నారని రీజినల్‌ గవర్నర్‌ సెర్హిల్‌ లైసాక్‌ శనివారం తెలిపారు.

• 18 మంది మృతి

కీవ్‌ : ఒక పక్క యుద్ధం ఆపడానికి ప్రయత్నాలు కొనసాగుతుండగా, ఉక్రెయిన్‌పై రష్యా మరోసారి దాడికి దిగింది. ఉక్రెయిన్‌ అధ్యక్షుడు జెలెన్‌స్కీ సొంత నగరమైన క్రైవీ రీపై శుక్రవారం రష్యా జరిపిన క్షిపణి దాడుల్లో 18 మంది మరణించగా 61 మంది గాయపడ్డారు. మృతులలో 9 మంది పిల్లలు ఉన్నారని రీజినల్‌ గవర్నర్‌ సెర్హిల్‌ లైసాక్‌ శనివారం తెలిపారు. నివాస భవనాలకు పక్కన పిల్లల ఆటస్థలం ఉన్న ప్రాంతాన్ని క్షిపణి తాకిందని జెలెన్‌స్కీ టెలిగ్రామ్‌లో తెలిపారు. ఆ దాడిలో 20కి పైగా అపార్టుమెంట్‌ భవనాలు దెబ్బతినగా, 30కి పైగా వాహనాలతో పాటు ఒక విద్యా భవనం, రెస్టారెంట్‌ కూడా ధ్వంసమయ్యాయని అధికారులు వివరించారు. దాడులు కొనసాగించడం చూస్తుంటే యుద్ధాన్ని విరమించడం రష్యాకు ఇష్టం లేనట్టు కన్పిస్తున్నదని జెలెన్‌స్కీ విమర్శించారు.