Polar Bear | ప్రపంచంలోనే తొలిసారిగా బర్డ్ఫ్లూ (Bird Flu) తో ఓ ధ్రువపు ఎలుగుబంటి (Polar Bear) మృతి చెందడం కలకలం రేపుతోంది. ఈ ఘటన అలస్కా (Alaska)లో వెలుగు చూసింది. గతేడాది డిసెంబర్ నెలలో ఉత్కియాగ్విక్ (Utqiagvik)లో ఇది మృతి చెందినట్లు తెలిపింది. ఈ విషయాన్ని అలస్కా పర్యావరణ పరిరక్షణ విభాగం ధృవీకరించింది. ఇన్ఫెక్షన్ సోకిన పక్షుల కళేబరాల నుంచి దానికి బర్డ్ ఫ్లూ సోకి ఉంటుందని అలస్కా వైద్యులు అనుమానిస్తున్నారు.
ఇంటర్నేషనల్ యూనియన్ ఫర్ కన్జర్వేటివ్ నేచర్ (ఐయూసీఎన్) రెడ్లిస్ట్లో ధ్రువపు ఎలుగుబంట్లు అంతరించిపోయే జంతువుల జాబితాలో ఉన్నాయి. వాతావరణ మార్పుల కారణంగా మంచు వేగంగా కరిగిపోతుండడంతో ఐయూసీఎన్ వీటిని అంతరించిపోయే జంతువుల జాబితాలో చేర్చింది. కాగా, హెచ్5ఎన్1 (H5N1) వైరస్ కారణంగా మరిన్ని ధ్రువపు ఎలుగుబంట్లు ప్రాణాలు కోల్పోయే అవకాశం ఉందని పశువైద్య నిపుణులు ఆందోళన వ్యక్తం చేస్తున్నారు.
Also Read..
Stray Dogs | మహిళపై వీధి కుక్కల దాడి.. వీడియో వైరల్
Coronavirus | నిన్న ఒక్కరోజే 761 కొత్త కేసులు.. 12 మరణాలు
Cold Wave | ఉత్తరాదిపై చలి పంజా.. ఢిల్లీని కమ్మేసిన పొగ మంచు