Imran khan: సైఫ‌ర్ కేసులో ఇమ్రాన్ ఖాన్‌కు బెయిల్ మంజూరీ

Imran khan: ఇమ్రాన్ ఖాన్‌కు సైఫ‌ర్ కేసులో బెయిల్ ఇచ్చారు. ఆయ‌న‌తో పాటు మాజీ మంత్రి ఖురేషికి కూడా బెయిల్ మంజూరీ చేశారు. ఆ ఇద్ద‌రూ ప‌ది ల‌క్ష‌ల పూచీక‌త్తు బాండ్ల‌ను స‌మ‌ర్పించాలి. పాక్ మాజీ ప్ర‌ధాని ఇమ్రాన్ ప్ర‌స్తుతం అడియాలా జైలులో ఉన్న విష‌యం తెలిసిందే.

ఇస్లామాబాద్‌: సైఫ‌ర్ కేసులో మాజీ ప్ర‌ధాని ఇమ్రాన్ ఖాన్‌(Imran khan)కు పాకిస్థాన్ సుప్రీంకోర్టు బెయిల్ మంజూరీ చేసింది. అధికారిక ర‌హ‌స్యాల‌ను బ‌య‌ట‌పెట్టిన కేసులోనే మాజీ విదేశాంగ మంత్రి షా మ‌హ్మ‌ద్ ఖురేషి కూడా బెయిల్ మంజూరీ చేశారు. ప‌ది లక్ష‌ల పూచీక‌త్తు బాండ్ల‌ను స‌మ‌ర్పించాల‌ని సుప్రీంకోర్టు త‌న ఆదేశాల్లో పేర్కొన్న‌ది. జ‌స్టిస్ స‌ర్దార్ తారిక్ మ‌సూద్ నేతృత్వంలోని త్రిస‌భ్య ధ‌ర్మాస‌నం ఈ తీర్పును ఆదేశించింది. ఈ బెంచ్‌లో జ‌స్టిస్ అత‌ర్ మిన‌ల్లా, స‌య్యిద్ మ‌న్సూర్ అలీఖాన్ ఉన్నారు.