Iran Missile strikes Israel’s Dimona | ఇజ్రాయెల్ అణు పరిశోధన కేంద్రం సమీపంలో ఇరాన్ క్షిపణి దాడులు.. వంద మందికిపైగా గాయాలు

Iran Missile strikes Israel's Dimona | ఇజ్రాయెల్ ప్రధాన అణు పరిశోధనా కేంద్రం ఉన్న డిమోనా నగరంపై ఇరాన్‌ దాడి చేసింది. శనివారం సాయంత్రం ఇరాన్‌ ప్రయోగించిన రెండు క్షిపణులను అడ్డుకోవడంలో ఇజ్రాయెల్ ఎయిర్‌ ఢిఫెన్స్‌ వ్యవస్థ విఫలమైంది. దీంతో భారీగా పేలుడు సంభవించింది.

March 22, 2026 / 03:47 PM IST

Iran Missile strikes Israel’s Dimona | ఇజ్రాయెల్ అణు పరిశోధన కేంద్రం సమీపంలో ఇరాన్ క్షిపణి దాడులు.. వంద మందికిపైగా గాయాలు

జెరూసలెం: ఇజ్రాయెల్ ప్రధాన అణు పరిశోధనా కేంద్రం ఉన్న డిమోనా నగరంపై ఇరాన్‌ దాడి చేసింది. శనివారం సాయంత్రం ఇరాన్‌ ప్రయోగించిన రెండు క్షిపణులను అడ్డుకోవడంలో ఇజ్రాయెల్ ఎయిర్‌ ఢిఫెన్స్‌ వ్యవస్థ విఫలమైంది. (Iran Missile strikes Israel’s Dimona) దీంతో భారీగా పేలుడు సంభవించింది. డిమోనా, అరద్‌లపై ఇరాన్ జరిపిన రెండు క్షిపణుల దాడుల్లో 100 మందికి పైగా ప్రజలు గాయపడ్డారు. గాయపడిన వారిని ఆసుపత్రులకు తరలించి చికిత్స అందిస్తున్నారు. ఇజ్రాయెల్‌పై ఇరాన్‌ క్షిపణి దాడులకు సంబంధించిన వీడియో క్లిప్స్‌ సోషల్‌ మీడియాలో వైరల్‌ అయ్యాయి.

కాగా, శనివారం ఇరాన్‌లోని నతాంజ్‌ అణు కేంద్రంపై అమెరికా-ఇజ్రాయెల్‌ వైమానిక దాడులు చేశాయి. దీనికి ప్రతీకారంగా ఇజ్రాయెల్ అణు పరిశోధనా కేంద్రాన్ని లక్ష్యంగా చేసుకున్నట్లు ఇరాన్‌ ప్రకటించింది.

మరోవైపు ఇజ్రాయెల్‌లోని డిమోనాలో క్షిపణి దాడిని అంతర్జాతీయ అణుశక్తి ఏజెన్సీ (ఐఏఈఏ) ధృవీకరించింది. అయితే నెగెవ్ అణు పరిశోధనా కేంద్రానికి నష్టం వాటిల్లినట్లు ఎలాంటి సమాచారం లేదని తెలిపింది. అలాగే ఎలాంటి అసాధారణ రేడియేషన్ స్థాయిలను గుర్తించలేదని పేర్కొంది.

JUST IN: 🇮🇷🇮🇱 Another view of an Iranian ballistic missile striking Dimona, Israel. pic.twitter.com/vImQZxVZJF

— BRICS News (@BRICSinfo) March 21, 2026