2008లోనే బిల్గేట్స్కు మందలింపు
వాషింగ్టన్, అక్టోబర్ 19: మైక్రోసాఫ్ట్ సహ వ్యవస్థాపకుడు బిల్ గేట్స్ నెరిపిన మరో వ్యవహారం వెలుగులోకి వచ్చింది. గేట్స్ 20 ఏండ్ల కిందట మైక్రోసాఫ్ట్ అధ్యక్షుడిగా ఉండగా సంస్థలోని మహిళా ఉద్యోగితో నడిపిన లైంగిక సంబంధాలు గత ఏడాది బయటపడటం తెలిసిందే. దాంతో సంస్థ డైరెక్టర్ పదవి నుంచి ఆయన వైదొలగవలసి వచ్చింది. అయితే ఆయన 2007లో మరో మహిళా ఉద్యోగికి అభ్యంతరకర ఈ-మెయిల్స్ పంపిన విషయం ఇప్పుడు బయటకొచ్చింది. తనను బయట వ్యక్తిగతంగా కలవాలని గేట్స్ ఆమెను ఆ మెయిల్స్లో ఆహ్వానించారు. ఈ వ్యవహారం 2008లో సంస్థకు తెలియడంతో ఆయనను హెచ్చరించింది. ఇలాంటి చేష్టలను మానుకోవాలని మందలించింది. గేట్స్ తన తప్పును ఒప్పుకొని, ఇంకెప్పుడు ఇలాంటి తప్పు చేయనని లెంపలేసుకున్నారట.