Benjamin Netanyahu | గాజాను స్వాధీనం చేసుకోవట్లేదు.. హమాస్‌ నుంచి విముక్తి ప్రసాదిస్తున్నాం : ఇజ్రాయెల్‌ ప్రధాని

Benjamin Netanyahu | హమాస్‌తో జరుగుతున్న పోరును మరింత తీవ్రతరం చేసి గాజా (Gaza)ను స్వాధీనం చేసుకోవాలన్న ప్రణాళికకు ఇజ్రాయెల్‌ సెక్యూరిటీ క్యాబినెట్‌ ఆమోదం తెలిపిన విషయం తెలిసిందే.

Benjamin Netanyahu | హమాస్‌తో జరుగుతున్న పోరును మరింత తీవ్రతరం చేసి గాజా (Gaza)ను స్వాధీనం చేసుకోవాలన్న ప్రణాళికకు ఇజ్రాయెల్‌ సెక్యూరిటీ క్యాబినెట్‌ ఆమోదం తెలిపిన విషయం తెలిసిందే. హమాస్‌ను ఓడించడానికి గాజాను స్వాధీనం చేసుకోవాలన్న ప్రధాని ప్రతిపాదనను మంత్రివర్గం గురువారం ఆమోదించింది. అయితే, ఇజ్రాయెల్‌ నిర్ణయంపై వివిధ వర్గాల నుంచి తీవ్ర వ్యతిరేకతవ్యక్తమైంది. దీంతో తన నిర్ణయంపై నెతన్యాహు (Benjamin Netanyahu) వివరణ ఇచ్చారు. గాజా నగరానికి సంబంధించిన తన ప్రణాళికను వివరిస్తూ ఎక్స్‌ వేదికగా ఓ పోస్టు పెట్టారు. తాము గాజాను ఆక్రమించుకోవడం లేదని.. హమాస్‌ నుంచి విముక్తి ప్రసాదించనున్నట్లు స్పష్టం చేశారు.

‘మేము గాజాను ఆక్రమించుకోవడం లేదు. హమాస్‌ నియంత్రణ నుంచి విముక్తి ప్రసాదించనున్నాం. భవిష్యత్తులో అక్కడ ఎలాంటి సైనిక కార్యకలాపాలు జరగకుండా చేయడమే మా ప్రణాళికలో భాగం. శాంతియుత పౌర పరిపాలనను నెలకొల్పడానికి కట్టుబడి ఉన్నాం. పాలస్తీనా, హమాస్‌ సహా ఇతర ఉగ్రవాద సంస్థలతో కూడిన పరిపాలన ఆ ప్రాంతంలో ఉండదు. ఈ చర్య హమాస్‌ చెరలో బందీలుగా ఉన్న పౌరులను విడిపించడంలో దోహదపడుతుంది. అలాగే భవిష్యత్తులో గాజా నుంచి ఇజ్రాయెల్‌కు ఎటువంటి భద్రతా ముప్పు రాకుండా చేస్తుంది’ అని నెతన్యాహు ఎక్స్‌ పోస్టులో రాసుకొచ్చారు. ప్రస్తుతం ఈ పోస్టు వైరల్‌ అవుతోంది.

We are not going to occupy Gaza – we are going to free Gaza from Hamas.

Gaza will be demilitarized, and a peaceful civilian administration will be established, one that is not the Palestinian Authority, not Hamas, and not any other terrorist organization.

This will help free…

— Benjamin Netanyahu – בנימין נתניהו (@netanyahu) August 8, 2025

హమాస్‌తో 22 నెలలుగా సాగుతున్న యుద్ధానికి ముగింపు పలికేందుకు ఐదు అంశాలతో కూడిన ప్రత్యేక ప్రణాళికను ఇజ్రాయెల్‌ భద్రతా మంత్రివర్గం గురువారం ఆమోదించింది. అయితే, ఈ నిర్ణయాన్ని ప్రపంచ దేశాలు తీవ్రంగా వ్యతిరేకిస్తున్నాయి. బ్రిటన్, చైనా, సౌదీ అరేబియా, ఆస్ట్రేలియా, బెల్జియం వంటి అనేక దేశాలు టెల్‌అవీవ్‌ నిర్ణయాన్ని ఖండించాయి. టెల్‌అవీవ్‌కు యుద్ధ సామగ్రి సరఫరా చేయబోమని జర్మనీ స్పష్టం చేసింది. దీంతో నెతన్యాహు పైవిధంగా స్పందించారు. గాజాపై తన నిర్ణయాన్ని స్పష్టం చేశారు.

Also Read..

Tariff War | ట్రంప్‌ పేకమేడ కూలుతుంది.. భారత్‌ కొంచెం ఓపిక పడితే మంచిది.. టారిఫ్‌లపై యూఎస్‌ ఆర్థిక వేత్త

గాజా స్వాధీనానికి ఇజ్రాయెల్‌ నిర్ణయం

Donald Trump | వచ్చే శుక్రవారం పుతిన్‌తో సమావేశమవుతున్నా.. డొనాల్డ్‌ ట్రంప్‌