Drugs | డ్రగ్స్‌ సరఫరా చేస్తున్న ఇద్దరు నిందితులు అరెస్ట్‌

Drugs | డ్రగ్స్‌ సరఫరా చేస్తున్న ఇద్దరు నిందితులను అరెస్ట్‌ చేశామని రాచకొండ (Rachakonda Commissionerate) పోలీస్‌ కమిషనర్‌ సుధీర్‌ బాబు(CP Sudhir babu) తెలిపారు. రాజస్థాన్‌కు చెందిన ఓం రామ్‌, సన్వాల్‌ అనే ఇద్దరు వ్యక్తులు మధ్య ప్రదేశ్‌కు చెందిన వికాస్‌ నుంచి డ్రగ్స్‌ కొనుగోలు చేశారన్నారు.

హైదరాబాద్‌ : డ్రగ్స్(Drugs) రహిత రాష్ట్రంగా తెలంగాణను మార్చేందుకు ప్రభుత్వం తీసుకున్న నిర్ణయానికి అనుగుణంగా అధికారులు దూకుడు పెంచారు. మత్తు పదార్థాల కట్టడి కోసం ఎక్కడికక్కడ విస్తృతంగా తనిఖీలు చేపడుతున్నారు. అయినా మత్తు పదార్థాల సరఫరా ఆగటం లేదు. స్మగ్లర్లు రకరకాల మార్గాల ద్వారా డ్రగ్స్, గంజాయి వంటి మత్తు పదార్థాలు సరఫరా చేస్తున్నారు. ఎవరికీ అనుమానం రాకుండా, గుట్టు చప్పుడు కాకుండా అవసరం అయిన వారికి డ్రగ్స్ సరఫరా చేస్తూ పోలీసులకు సవాల్‌ విసురుతున్నారు తాజాగా.. డ్రగ్స్‌ సరఫరా చేస్తున్న ఇద్దరు నిందితులను అరెస్ట్‌ చేశామని రాచకొండ (Rachakonda Commissionerate) పోలీస్‌ కమిషనర్‌ సుధీర్‌ బాబు(CP Sudhir babu) తెలిపారు.

రాజస్థాన్‌కు చెందిన ఓం రామ్‌, సన్వాల్‌ అనే ఇద్దరు వ్యక్తులు మధ్య ప్రదేశ్‌కు చెందిన వికాస్‌ నుంచి డ్రగ్స్‌ కొనుగోలు చేశారన్నారు. వీటిని హైదరాబాద్‌లో విక్రయించేందుకు రాగా వారిని జవహర్‌నగర్‌, ఎల్బీనగర్‌ పోలీసులు వలపన్ని పట్టుకున్నారు. నిందితుల నుంచి 40 కిలోల పాపిస్ట్రా, 10 గ్రాముల ఎండీఎంఏ, రూ.10 వేల నగదు, 3 సెల్‌ఫోన్లు, స్వాధీనం చేసుకున్నారు. నిందులపై కేసు నమోదు చేసి దర్యాప్తు చేస్తున్నామని, ఎవరైనా డ్రగ్స్‌, అమ్మినా, రవాణా చేసిన కఠిన చర్యలు తీసుకుంటామని సీపీ తెలిపారు.