411 చోట్ల కొత్త బస్‌ షెల్టర్లు!

గ్రేటర్‌లో కొత్తగా 411 బస్‌ షెల్టర్లు నిర్మించాలని బల్దియా నిర్ణయించింది. ఆర్టీసీ ప్రయాణికులకు మెరుగైన వసతులు కల్పించాలన్న లక్ష్యంతో ఏడాది వ్యవధిలో

• బీవోటీ పద్ధతిలో టెండర్లు
• మౌలిక వసతులు కల్పించాల్సిన బాధ్యత ఏజెన్సీదే
• 15 ఏండ్ల పాటు ప్రకటనల ద్వారా ఆదాయం పొందొచ్చు

సిటీబ్యూరో, సెప్టెంబర్‌ 28 (నమస్తే తెలంగాణ) : గ్రేటర్‌లో కొత్తగా 411 బస్‌ షెల్టర్లు నిర్మించాలని బల్దియా నిర్ణయించింది. ఆర్టీసీ ప్రయాణికులకు మెరుగైన వసతులు కల్పించాలన్న లక్ష్యంతో ఏడాది వ్యవధిలో అత్యాధునిక బస్‌ షెల్టర్లను నిర్మించి.. అందుబాటులోకి తీసుకొచ్చేందుకు చర్యలు చేపట్టింది.

బీవోటీ పద్ధతిలో చేపట్టే ఈ పనులకు సంబంధించి.. రవాణా విభాగం అధికారులు టెండర్లు ఆహ్వానించారు. బస్‌షెల్టర్‌ నిర్మించే ఏజెన్సీ..వాటిపై 15 ఏండ్ల పాటు ప్రకటనల ద్వారా ఆదాయం పొందవచ్చు.