ఎన్టీఆర్‌ మార్గ్‌ ప‌రిస‌రాల్లో 20వ తేదీ వరకు ట్రాఫిక్‌ ఆంక్షలు

Formula E Race | ఎన్టీఆర్‌ మార్గ్‌లో ఈ నెల 19, 20వ తేదీల్లో జరుగనున్న ఫార్ములా ఈ-రేస్‌ నేపథ్యంలో ట్రాఫిక్ ఆంక్ష‌లు విధించారు. ఈ నెల16వ తేదీ రాత్రి 10 గంటల నుంచి 20వ తేదీ రాత్రి 10 గంటల వరకు ఎన్టీఆర్ మార్గ్, హుస్సేన్‌సాగర్‌ పరిసరాలలో ట్రాఫిక్‌ను

హైద‌రాబాద్ : ఎన్టీఆర్‌ మార్గ్‌లో ఈ నెల 19, 20వ తేదీల్లో జరుగనున్న ఫార్ములా ఈ-రేస్‌ నేపథ్యంలో ట్రాఫిక్ ఆంక్ష‌లు విధించారు. ఈ నెల16వ తేదీ రాత్రి 10 గంటల నుంచి 20వ తేదీ రాత్రి 10 గంటల వరకు ఎన్టీఆర్ మార్గ్, హుస్సేన్‌సాగర్‌ ప‌రిస‌రాల్లో ట్రాఫిక్‌ను మళ్లిస్తున్నట్లు నగర ట్రాఫిక్‌ జాయింట్‌ సీపీ రంగనాథ్‌ తెలిపారు. ఈ రేస్‌లు నెక్లెస్‌ రోటరీ నుంచి తెలుగుతల్లి జంక్షన్‌, ఓల్డ్ సెక్ర‌టేరియ‌ట్‌ నుంచి ఎన్టీఆర్‌ గార్డెన్, మింట్‌ కంపౌండ్ మీదుగా ఐమాక్స్‌ వరకు సాగుతాయన్నారు.

ట్రాఫిక్‌ మళ్లింపు ఇలా…

-వీవీ విగ్రహం(ఖైరతాబాద్‌) వైపు నుంచి నెక్లెస్‌ రోటరీ వైపు ట్రాఫిక్‌ అనుమతి లేదు. వీవీ విగ్రహం వద్ద షాదాన్ కాలేజ్‌, రవీంధ్రభారతి వైపు మళ్లిస్తారు.
-బుద్దభవన్‌, నల్లంపట్ట జంక్షన్‌ నుంచి నెక్లెస్‌ రోటరీ వైపు వాహనాలకు అనుమతి లేదు. ఈ వాహనాలను నల్లగుట్ట జంక్షన్‌ నుంచి రాణిగంజ్‌, ట్యాంక్‌బండ్‌ వైపు మళ్లిస్తారు.
-రసూల్‌పురా, మినిస్టర్‌ రోడ్డు నుంచి నెక్లెస్‌ రోటరీ వైపు నల్లగుట్ట మీదుగా వచ్చే వాహనాలను, నల్లగుట్ట జంక్షన్‌ వద్ద రాణిగంజ్‌ వైపు మళ్లిస్తారు.
-ఇక్బాల్‌ మినార్‌ నుంచి తెలుగుతల్లి జంక్షన్‌, ట్యాంక్‌ బండ్‌ వైపు వాహనాలకు అనుమతి లేదు. ఈ వాహనాలను ఫ్లై ఓవ‌ర్‌పై నుంచి కట్టమైసమ్మ ఆలయం, లోయర్‌ ట్యాంక్‌బండ్‌ వైపు వెళ్లాలి.

-ట్యాంక్‌బండ్‌, తెలుగుతల్లి నుంచి నెక్లెస్‌ రోటరీ వైపు వాహనాలకు అనుమతి లేదు. తెలుగు తల్లి జంక్షన్‌ నుంచి ఇక్బాల్‌ మినార్‌, రవీంద్ర‌ భారతి జంక్షన్‌ వైపు వెళ్లాలి.
-బీఆర్‌కే భవన్‌ నుంచి నెక్లెస్‌ రోటరీ వైపు వచ్చే వాహనాలను తెలుగుతల్లి జంక్షన్‌ నుంచి ఇక్బాల్‌మినార్‌, రవీంద్ర‌ భారతి జంక్షన్‌కు మళ్లిస్తారు.
-ఇక్బాల్‌ మినార్‌ జంక్షన్‌ నుంచి మింట్‌కంపౌండ్‌ వైపు వాహనాలను అనుమతి లేదు. ఈ వాహనాలను రవీంద్ర‌ భారతి జంక్షన్‌ వైపు మళ్లిస్తారు.
-ఖైరతాబాద్‌ బడా గణేష్‌ వైపు నుంచి ప్రింటింగ్‌ ప్రెస్‌, నెక్లెస్‌ రోటరీ వైపు వాహనాలకు అనుమతి లేదు. ఈ వాహనాలను బడా గణేష్‌ వద్ద రాజ్‌దూత్‌ లైన్‌లోకి మళ్లిస్తారు.

ఆర్టీసీ బస్సుల మళ్లింపు ఇలా..

అఫ్జల్‌గంజ్‌ నుంచి ట్యాంక్‌బండ్‌ మీదుగా సికింద్రాబాద్‌ వైపు వెళ్లే వాహనాలు, తెలుగు తల్లి ఫ్లై ఓవ‌ర్, కట్టమైసమ్మ, లోయర్‌ ట్యాంక్‌బండ్‌, బీబీఆర్‌ మిల్స్‌, కవాడిగూడ రూట్లలోకి మళ్లిస్తారు.