Hyderabad | హైద‌రాబాద్‌లో ఓట్ల లెక్కింపు కేంద్రాల వ‌ద్ద ట్రాఫిక్ ఆంక్ష‌లు

Hyderabad | హైద‌రాబాద్, సికింద్రాబాద్ జంట న‌గ‌రాల ప‌రిధిలోని ఓట్ల లెక్కింపు కేంద్రాల వ‌ద్ద ట్రాఫిక్ పోలీసులు ఆంక్ష‌లు విధించారు. కౌంటింగ్ కేంద్రాల వ‌ద్ద ఉన్న ప‌రిస్థితుల‌ను, వాహ‌నాల ర‌ద్దీని దృష్టిలో ఉంచుకుని పోలీసులు ట్రాఫిక్‌ను మ‌ళ్లిస్తున్నారు.

Hyderabad | హైద‌రాబాద్ : హైద‌రాబాద్, సికింద్రాబాద్ జంట న‌గ‌రాల ప‌రిధిలోని ఓట్ల లెక్కింపు కేంద్రాల వ‌ద్ద ట్రాఫిక్ పోలీసులు ఆంక్ష‌లు విధించారు. కౌంటింగ్ కేంద్రాల వ‌ద్ద ఉన్న ప‌రిస్థితుల‌ను, వాహ‌నాల ర‌ద్దీని దృష్టిలో ఉంచుకుని పోలీసులు ట్రాఫిక్‌ను మ‌ళ్లిస్తున్నారు.

• ముషీరాబాద్ నియోజ‌క‌వ‌ర్గ ఓట్ల లెక్కింపు దోమ‌ల‌గూడ ఏవీ కాలేజీలో కొన‌సాగుతోంది. దీంతో ఇక్క‌డికి వ‌చ్చే వాహ‌నాల‌ను గ‌వ‌ర్న‌మెంట్ ఫిజిక‌ల్ ఎడ్యుకేష‌న్ కాలేజీలో పార్కు చేయాలి.
• అంబ‌ర్‌పేట లెక్కింపు నారాయ‌ణ‌గూడ రెడ్డి కాలేజీలో కొన‌సాగుతోంది. ఇక్క‌డికి వ‌చ్చే వాహ‌నాల‌ను వైఎంసీఏ గ్రౌండ్, శాంతి థియేట‌ర్ వ‌ద్ద నిల‌పాలి.
• చాంద్రాయ‌ణ‌గుట్ట లెక్కింపు నిజాం కాలేజీలో కొన‌సాగుతోంది. వాహ‌నాల‌ను నిజాం కాలేజీ గ్రౌండ్స్‌లో నిల‌పాలి.
• మ‌ల‌క్‌పేట నియోజ‌క‌వ‌ర్గం ఓట్ల లెక్కింపు అంబ‌ర్‌పేట జీహెచ్ఎంసీ ఇండోర్ స్టేడియంలో కొన‌సాగుతోంది. జీహెచ్ఎంసీ మైదానంలో వాహ‌నాల‌ను పార్కు చేయాలి.
• స‌న‌త్‌న‌గ‌ర్ ఓట్ల లెక్కింపు ఓయూ కాలేజ్ ఆఫ్ కామ‌ర్స్ అండ్ బిజినెస్ మేనేజ్‌మెంట్‌లో. వాహ‌నాల‌ను ఎంబీఏ కాలేజీ గ్రౌండ్‌లో నిల‌పాలి.
• సికింద్రాబాద్ లెక్కింపు ఓయూలోని డిస్టెన్స్ ఎడ్యుకేష‌న్ సెంట‌ర్‌లో కొన‌సాగుతోంది. సైక్లింగ్ వెల్లోడ్రాన్ గ్రౌండ్‌లో వాహ‌నాల‌ను పార్కింగ్ చేయాలి.
• గోషామ‌హ‌ల్ లెక్కింపు కోఠి ఉమెన్స్ కాలేజీలో. వాహ‌నాల‌ను కాలేజీ మైదానంలో నిల‌పాలి.
• చార్మినార్ ఓట్ల లెక్కింపు నాంప‌ల్లి ఎగ్జిబిష‌న్ గ్రౌండ్‌లోని క‌మ‌లా నెహ్రూ పాలిటెక్నిక్ కాలేజీలో. వాహ‌నాల‌ను ఎంజే మార్కెట్, హైద‌రాబాద్ అడ్మిన్ కార్యాల‌యం ప‌క్క‌న ఎగ్జిబిష‌న్ గ్రౌండ్‌లో నిలపాలి.
• యాకుత్‌పుర లెక్కింపు ఎగ్జిబిష‌న్ గ్రౌండ్‌లోని స‌రోజిని నాయుడు వ‌నితా మ‌హా విద్యాల‌యంలో. వాహ‌నాల‌ను భీమ్‌సింగ్ రావు బాడా పార్కింగ్ ఏరియాలో నిల‌పాలి.
• కార్వాన్ లెక్కింపు మాస‌బ్ ట్యాంక్‌లోని ప్ర‌భుత్వ పాలిటెక్నిక్ కాలేజీలో. వాహ‌నాలు కాలేజీ వెనుక వైపు లేన్‌లో పార్కు చేయాలి.
• నాంప‌ల్లి లెక్కింపు మాస‌బ్ ట్యాంకులోని జెఎన్టీయూలో. వాహ‌నాలు హాకీ గ్రౌండ్‌లో, ఐబా హోట‌ల్ నుంచి శాంతి న‌గ‌ర్ క్ల‌బ్ వ‌ర‌కు పంపాలి.
• బ‌హ‌దూర్‌పుర లెక్కింపు బండ్ల‌గూడ‌లోని ఆరోరా లీగ‌ల్ సైన్స్ అకాడ‌మీలో. వాహ‌నాలు కాలేజీలో నిల‌పాలి.
• ఖైర‌తాబాద్‌, జూబ్లీహిల్స్ లెక్కింపు యూసుఫ్‌గూడ‌లోని కోట్ల విజ‌య్ భాస్క‌ర్ రెడ్డి ఇండోర్ స్టేడియంలో. వాహ‌నాల‌ను బెటాలియ‌న్ ఓపెన్ గ్రౌండ్స్‌లో నిల‌పాలి.
• కంటోన్మెంట్ లెక్కింపు సీఎస్ఐఐటీ, వెస్లీ కాలేజీ ప్రాంగ‌ణంలోని మైదానంలో. వాహ‌నాల‌ను నిర్ణీత ప్ర‌దేశాల్లోనే నిల‌పాలి.