MohanBabu | ‘వెంకటప్పయ్య నాయుడు’గా కలెక్షన్ కింగ్.. ‘శ్రీనివాస మంగపురం’ నుంచి ఫస్ట్ లుక్ రిలీజ్!

Srinivasa Mangapuram | కలెక్షన్ కింగ్ డాక్టర్ మోహన్ బాబు మరోసారి వెండితెరపై తన గంభీరమైన నటనతో అలరించబోతున్నారు.

Srinivasa Mangapuram | కలెక్షన్ కింగ్ డాక్టర్ మోహన్ బాబు మరోసారి వెండితెరపై తన గంభీరమైన నటనతో అలరించబోతున్నారు. అజయ్ భూపతి దర్శకత్వంలో ‘శ్రీనివాస మంగపురం’ అనే క్రేజీ ప్రాజెక్ట్ రూపొందుతున్న సంగతి తెలిసిందే. ఈ సినిమాలో మోహన్ బాబు పోషిస్తున్న “వెంకటప్పయ్య నాయుడు” పాత్రకు సంబంధించిన ఫస్ట్ లుక్ పోస్టర్‌ను చిత్రబృందం నేడు విడుదల చేసింది. ఈ పోస్టర్‌లో మోహన్ బాబు లుక్ ఎంతో పవర్ ఫుల్ గా, రాజసంతో ఉట్టిపడుతోంది. గర్వం, ధైర్యం కలగలిసిన ఒక గంభీరమైన పాత్రలో ఆయన కనిపించబోతున్నారని చిత్ర యూనిట్ పేర్కొంది. ‘మహాసముద్రం’, ‘మంగళవారం’ వంటి సినిమాలతో తనకంటూ ఒక ప్రత్యేక శైలిని ఏర్పరచుకున్న దర్శకుడు అజయ్ భూపతి, మోహన్ బాబును ఒక సరికొత్త కోణంలో చూపించబోతున్నట్లు తెలుస్తోంది.

ఈ చిత్రంతో సూప‌ర్ స్టార్ కృష్ణ మ‌న‌వడు, రమేష్ బాబు కుమారుడు జయకృష్ణ ఘట్టమనేని వెండితెర‌కి ప‌రిచ‌యం కాబోతుండ‌గా.. బాలీవుడ్ న‌టి రవీనా టాండన్ కుమార్తె రాశా థడాని హీరోయిన్‌గా న‌టిస్తుంది. ప్రముఖ నిర్మాతలు అశ్వినీదత్, జెమిని కిరణ్ ఈ చిత్ర నిర్మాణంలో పాలుపంచుకుంటున్నారు. జి.వి. ప్రకాష్ కుమార్ ఈ సినిమాకు సంగీతాన్ని అందిస్తున్నాడు.

Introducing the Legendary @themohanbabu garu as “VENKATAPPAYA NAIDU” from #SrinivasaMangapuram❤️‍🔥

Brace yourselves for his towering performance in a role carved with power and pride💥@DirAjayBhupathi #JayaKrishnaGhattamaneni #RashaThadani @AshwiniDuttCh @gemini_kiran @gvprakash pic.twitter.com/kB7D0kcJQL

— Vyjayanthi Movies (@VyjayanthiFilms) February 28, 2026